- Advertisement -
- Advertisement -
- Advertisement -
- Advertisement -
उद्रेक न्युज वृत्त
नागपूर :-नागपूरच्या एमआयडीसी पोलिस ठाणे हद्दीत एक धक्कादायक प्रकार उघडकीस आला आहे.चक्क किरायदार म्हणून वास्तव्यास असलेल्या एका २३ वर्षीय तरुणाने घरमालकाच्याच अल्पवयीन मुलीवर डोळा टाकून पहिल्यांदा मुलीशी ओळख वाढवली.त्यानंतर,मैत्री करून जाळ्यात ओढले व वारंवार लैंगिक अत्याचार केला. यात ती चार महिन्यांची गर्भवती असल्याचे उघड होताच मुलीच्या आईने दिलेल्या तक्रारीवरून एमआयडीसी पोलिसांनी गुन्हा दाखल करीत आरोपीला अटक केली.सिम्बा ठाकरे वय २३ वर्षे असे अटकेतील आरोपीचे नाव आहे.तर पीडित अल्पवयीन मुलगी दहावीत शिक्षण घेते.विशेष म्हणजे,मुलगी वारंवार उलट्या करीत असल्यामुळे तसेच पोट दुखीचा वारंवार त्रास जाणवू लागल्याने कुटुंबीयांनी तिला उपचारार्थ रुग्णालयात नेले.तेथील डॉक्टरांनी तपासून ती चार महिन्यांची गर्भवती असल्याचे सांगितल्याने कुटुंबीयांना मोठा धक्का बसला.मुलीच्या आईने विचारणा केल्यावर मुलीने घाबरलेल्या अवस्थेत घडलेला प्रकार सांगितला.
आरोपी सिम्बा ठाकरे हा एमआयडीसीतील कंपनीत काम करतो.तो मुलीच्या घरी किरायदार म्हणून राहत होता.घरमालक यांना १६ वर्षाची मुलगी आहे.सिम्बा याने ओळखीचा फायदा घेत सर्वप्रथम मुलीशी ओळख वाढवून मैत्री केली.दरम्यान,५ जानेवारी २०२६ रोजी मुलगी घरात एकटीच असतांना तिच्या घरी गेला.तिला शारीरिक संबंधाची मागणी केली. मुलीने नकार दिला असता त्याने जबरदस्तीने लैंगिक अत्याचार केला. त्यानंतर,लग्नाचे खोटे आमिष दाखवून ३० एप्रिलपर्यंत वारंवार तिच्याशी शारीरिक संबंध प्रस्थापित केले.या दरम्यान ती गर्भवती राहिल्याने सदरचा प्रकार उघडकीस आला.
- Advertisement -

