गडचिरोली जिल्ह्यास युरीया व इतर खतांचा पुरवठा सुरू..

गडचिरोली :-जिल्ह्यात खरीप हंगामासाठी युरिया खताची ३० हजार १८५ मेसर्स टनाची मागणी करण्यात आली होती,तसेच DAP,MOP,SSP, NPK यांची अशी एकुण ७२६२० मे.टनाची मागणी करण्यात आली होती. कृषि आयुक्तालय पुणे यांचे कडून युरिया २० हजार ४६७ मे.टन व इतर खते असे एकुण ५७ हजार ६७२ मे.टन खताचे आवंटन मंजुर झाले आहे.

युरियाचा मागील रब्बी हंगामातील साठा ६ हजार ४३१ मे.टन शिल्लक होता व सध्या एप्रिल पासून आजपर्यंत १५ हजार ०८५ मे.टन युरिया प्राप्त झाला. असा एकुण खरीप हंगामासाठी २१ हजार ५१६  युरिया जिल्ह्यास उपलब्ध झाला.आजपासून जिल्ह्यामध्ये १०३५ मे.टन खताचा पुरवठा सुरू आहे. त्याचप्रमाणे १ सप्टेंबर ते १५ सप्टेंबर पर्यंत १४०० मे. टन युरिया उपलब्ध होणार आहे.मिश्र खतांमध्ये २०:२०:०१३ २८२५ मे.टन जिल्ह्यास उपलब्ध होइल.

जर एखादया क्षेत्रात युरिया खताची कमतरता भासल्यास शेतकऱ्यांनी फवारणी द्वारे नॅनो युरीयाचा वापर करण्याचे आवाहन कृषि विभागाद्वारे करण्यात येत असल्याचे जिल्हा परिषदेच्या कृषी विकास अधिकारी किरण खोमणे यांनी कळविले आहे.