उद्रेक न्युज वृत्त
गडचिरोली :- कवी विजय वडवेराव आयोजित आंतर राष्ट्रीय काव्य लेखन स्पर्धा घेण्यात आली.सदर कवितेचा विषय “व्यथा देशातील मुलींच्या पहिल्या शाळेची” असे होते.महात्मा ज्योतिबा फुले व सावित्रीबाई फुले यांनी सन १८४८ ला पुण्याच्या बुधवारपेठ येथील भिडे वाड्यात मुलींची पहिली शाळा सुरू केली.अशा स्त्री शिक्षणाच्या उगमस्थानाची, बहुजनाच्या ऐतिहासिक प्रेरणास्थळाची,जनजागृती करण्याकरिता या भव्य आणि दिव्य स्पर्धेचे आंतरराष्ट्रीय स्तरावर आयोजन करण्यात आले होते. या स्पर्धेत भारतातील महाराष्ट्र,कर्नाटक, गुजरात, गोवा,केरळ,सिलवासा या राज्यातील तसेच भारताबाहेरील; अमेरिका,लंडन,ऑस्ट्रेलिया,स्वीडन, दुबई,बुधाबी या देशातील कवींनी आपली कविता पाठवून सहभाग घेतला होता.६०० हुन अधिक कवितांचा समावेश असून त्यात गडचिरोली जिल्ह्यातील मुलचेरा तालुक्यातील अडपल्ली चक या खेडेगावचे युवा कवी/लेखक प्रभाकर देविदास दुर्गे यांनी उत्तेजनार्थ क्रमांक पटकावून आपल्या गावचे तसेच गडचिरोली जिल्ह्याचे नाव उज्वल केले आहे.सदर कार्यक्रमाचा पारितोषिक वितरण सोहळा दिनांक- ३१ मार्च २०२४ रोजी महाराष्ट्र साहित्य परिषद सभागृह टिळक रोड पुणे येथे संपन्न होणार आहे.सदर वितरण सोहळ्यात दिग्गज साहित्यिकांच्या उपस्थितीत कवी/लेखक प्रभाकर देविदास दुर्गे यांना सन्मानपत्र,सन्मानचिन्ह,शाल, पुष्पगुच्छ,पुस्तक व रोख रक्कम देऊन त्यांचा सत्कार करण्यात येणार आहे.या होणाऱ्या सत्काराबद्दल त्यांचे नातेवाईक,मित्रपरिवार,साहित्यिक सहकारी,गावकरी मंडळी या सर्वांनी त्यांच्यावर अभिनंदनाचा वर्षाव केला आहे.
