‘खाण्याला नाही तुरी अन् अंगाला लावी कस्तुरी.!’ राज्याची आर्थिक स्थिती भाजलेल्या शेपटीला तूप लावण्यासारखी..

कामगार नोंदणी विभागात कोट्यावधी कामगारांची नोंदणी आतापर्यंत झालेली आहे.कामगारांसाठी वापरात येणाऱ्या निधीचा गैरवापर होतोय. तालुक्याच्या ठिकाणी विविध गैरप्रकार सुरू झाले आहे.बांधकाम कामगाराच्या योजनेचा गरजू व्यक्तीला फायदा होत नसल्याची बाब दानवे यांनी अधोरेखित केली.एसटी कर्मचारी याचे भविष्य निर्वाह निधीचे पैसे बुडवले आहे.राज्य सरकार अनेक घटकांवर उधळपट्टी करत असतांना या कर्मचाऱ्यांना आपल्या हक्काचे पैसे मिळाले नाही.राज्यात अनेकजण मुद्रांक शुल्क बुडवत आहेत.अभय योजनांचा गैरवापर करत आतापर्यंत अनेक जणांनी १ हजार कोटी रुपये बुडवले आहे.राज्यात वैद्यकीय महाविद्यालय आणि रुग्णालय सुरू झाले असले तरीही येथे आवश्यक कर्मचारी नाही. कुठल्याही सुविधा नाही.जनतेला कसलाही याचा फायदा होत नाही.सगळ्या महाविद्यालयात कर्मचारी भरती करणे बाकी आहे.इंधन आणि चालक नाहीये म्हणून शंभर वाहने बंद असल्याची माहिती अंबादास दानवे यांनी दिली.सार्वजनिक आरोग्य केंद्रावर महाराष्ट्र राज्य ४.५० टक्के खर्च करतो.इतर राज्यांपेक्षा हा खर्च कमी आहे. सार्वजनिक आरोग्य केंद्र अतिशय कमी होत आहे. सोयी सुविधा कमतरता भासत आहे.पनवेल येथील कोणतीही अधिकृत परवानगी नसतांना बांधकाम कामे प्रकल्प सुरू आहे.वेळीच या अवैध कामांना थांबवले गेले पाहिजे,अशी सूचना दानवे यांनी केली.सारथी,बार्टी, महाज्योती संस्थांना पैसे मिळत नाही.विद्यार्थी मागणी करत असूनही निधी मिळत नाही. नाशिक येथील सिंहस्थ कुंभमेळ्यासाठी पुरवणी मागण्यात तरतूद केली आहे.मात्र,महाराष्ट्रातील ज्योतिर्लिंगांना जोडणारा कॉरिडोर तयार केला गेला पाहिजे,अशी मागणी अंबादास दानवे यांनी केली.