कमी किंमतीत कार आणि दुचाकी मिळवून देण्याचे आमिष; पंधराहून अधिक ग्राहकांना चुना..!

नागपूर :- एका टोळीने कमी किंमतीत कार आणि बाइक मिळवून देण्याचे आमिष दाखवून तब्बल पंधराहून अधिक ग्राहकांना चुना २९ लाख ८८ हजार रुपयांना चुना लावल्याची घटना लकडगंज पोलिस ठाण्याच्या हद्दीत उघडकीस आली आहे.प्रकरणी आरोपींविरोधात फसवणुकीचा गुन्हा दाखल करून मो.सर्फराज व मो.शकील याला अटक करण्यात आली आहे.२९ वर्षीय रजा रियाजखान पठाण रा.लाकडीपूल,कोतवाली असे तक्रारदाराचे नाव असून त्याची नातेवाइकांच्या माध्यमातून गंगाबाई घाट मार्गावरील एमएच मोटर्सचा मालक फिरोज हमीद खान पठाण वय ३० वर्षे, सुभाननगर याच्यासोबत भेट झाली.फिरोजने हसनबाग येथील ३५ वर्षीय वहीद आलम,तसेच शहीदनगर,रनाळा, कामठी येथील २५ वर्षीय मो.सर्फराज मो.शकील व जय कुखे वय ३३ वर्षे,कॉटन मार्केट यांच्यासोबत मिळून १० एप्रिल २०२३ ते १० ऑक्टोंबर २०२५ या कालावधीत आरोपींनी रजाकडून साडेसात लाख रुपये उकळले; मात्र कुठलीही गाडी दिली नाही.त्याचबरोबर,रजाने चौकशी केली असता आरोपींनी अशाच प्रकारे १५ हून अधिक जणांकडून २९ लाख ८८ हजार रुपये घेतले होते.त्यांनी वाहनांची खोटी कागदपत्रे बनविली व बँकेत कमी डाऊन पेमेंट भरून ग्राहकांकडून जास्त रक्कम घेतली.सदरचा प्रकार समोर येताच रजाने पोलिसांत धाव घेत तक्रार नोंदवली.प्रकरणी लकडगंज पोलिसांनी दोघांना अटक करून पुढील तपास सुरू केला आहे.