अखेर लैंगिक अत्याचार प्रकरणी पोलीस हवालदारास कोठडी..

गडचिरोली :-अल्पवयीन मुलीवर लैंगिक अत्याचार केल्याप्रकरणी अटक करण्यात आलेल्या बंडू गेडाम वय ५२ वर्षे रा.नवेगाव ता.गडचिरोली या पोलिस हवालदारास न्यायालयाने ६ डिसेंबर म्हणजे शुक्रवारपर्यंत पोलिस कोठडी सुनावली आहे.

बंडू गेडाम याने अल्पवयीन मुलीवर लैंगिक अत्याचार केल्याची तक्रार पीडित मुलीच्या आई-वडिलांनी गडचिरोली पोलिस स्टेशनमध्ये २ डिसेंबरला दाखल केली होती.प्रकरणाचा तपास गडचिरोलीचे उपविभागीय पोलिस अधिकारी अजय जगताप करीत आहेत. तपासानंतर २ डिसेंबरला रात्री उशिरापर्यंत आरोपी बंडू गेडाम याच्याविरोधात गुन्हा दाखल करण्यात आला.काल ३ डिसेंबरला आरोपीला न्यायालयात हजर केले असता,न्यायालयाने त्याला ६ डिसेंबरपर्यंत पोलिस कोठडी सुनावली आहे.