समोरून येणाऱ्या वाहनाला बाजू देताना बस झाली पलटी…-वाहकासह दोन महिला प्रवासी गंभीर जखमी; अहेरी आगाराची बस

उद्रेक न्युज वृत्त

 गडचिरोली :- जिल्ह्यातील अहेरी येथून अमरावतीला निघालेल्या राज्य परिवहन महामंडळाच्या बसचा धनुर जवळ अपघात झाला.या अपघातात वाहकासह दोन महिला प्रवासी गंभीर जखमी झाले आहेत.ही बस रस्त्याच्या कडेला उलटल्याने अपघात झाल्याचे कारण समोर आले आहे.सर्व जखमींना रुग्णालयात उपचारार्थ दाखल करण्यात आले आहे.

अहेरी आगाराची बस जवळपास २७ प्रवाशांना घेऊन सकाळी ८.३० वाजता अमरावती करीता निघाली होती.अहेरी वरून जवळपास ३५ किलोमीटर अंतरावर राष्ट्रीय महामार्गावरील धनुर जवळच्या वन विभागाच्या नाक्याजवळ समोरून येणाऱ्या वाहनाला बाजू देताना रस्त्याच्या बाजूला खोल भाग असल्याने बस पलटली.

यामुळे प्रवाशांमध्ये धास्ती निर्माण झाली.काहींनी भीतीने आरडा-ओरड केली.या अपघातानंतर रुग्णवाहिकेला बोलावण्यात आले.त्यानंतर जखमींना अहेरी येथील उपजिल्हा रुग्णालयात नेण्यात आले.