शाळेची पहिली घंटा वाजणार ‘या’ दिवशी..!

उद्रेक न्युज वृत्त :-महाराष्ट्र राज्यातील वाढती उष्णता लक्षात घेता यंदा शाळेची पहिली घंटा उशिरा सुरू होण्याच्या चर्चांना अखेर पूर्णविराम मिळाला असून यंदा २०२६-२७ या शैक्षणिक वर्षाचा श्रीगणेशा येत्या,सोमवार १५ जून २०२६ पासूनच करण्यात येणार आहे.यामध्ये कोणताही बदल करण्यात आलेला नसून,शाळादेखील पारंपरिक पद्धतीनेच ऑफलाईन सुरू होणार आहेत. विशेष म्हणजे,शाळा २६ जूनपासून सुरू होणार,वर्ग ऑनलाइन होतील किंवा सुट्ट्या वाढवण्यात येतील अशा अनेक पोस्ट सध्या सोशल मीडियावर व्हायरल होत आहेत.शिक्षण विभागाने अशा अफवांपासून दूर राहण्याचे आवाहन केले आहे.विद्यार्थी आणि पालकांनी केवळ शासन,शिक्षण संचालनालय किंवा संबंधित शाळांकडून मिळणाऱ्या अधिकृत माहितीलाच महत्त्व द्यावे. महाराष्ट्रातील शाळा आणि ज्युनिअर कॉलेज १५ जूनपासून ऑफलाइन सुरू होणार आहेत.त्याचबरोबर, विदर्भातील वाढत्या उष्णतेचा विचार करून शिक्षण विभागाने विशेष व्यवस्था केली आहे.१५ जून ते २९ जून या कालावधीत विदर्भातील शाळा सकाळी ७ ते ११.४५ या वेळेत भरविण्यात येणार आहेत.यामुळे विद्यार्थ्यांना दुपारच्या प्रखर उन्हाचा त्रास होणार नाही.त्यानंतर ३० जूनपासून नियमित वेळापत्रकानुसार शाळा सुरू राहतील.राज्यभर एकसमान शैक्षणिक दिनदर्शिका लागू करतांना विद्यार्थ्यांच्या आरोग्याचाही विचार करण्यात आला आहे.