फटाक्यांच्या आतषबाजीत आगीचा भडका..!

नागपूर :-दिवाळीचा सण हा सर्वांसाठी द्विगुणित आनंद व्यक्त करणारा असून दिवाळी आणि लक्ष्मी पूजनाची जय्यत तयारी ही अनेकांसाठी मोठ्या पर्वाची आणि उत्सवाची मानली जाते.अश्याच प्रकारे काल मंगळवारी लक्ष्मी पूजन झाल्यानंतर प्रत्येक जण आपल्या प्रियजन आणि कुटुंबियांसोबत फटाके फोडत असतात.अश्यातच दरवर्षीप्रमाणे यंदाही दिवाळीच्या फटाक्यांमुळे नागपूर शहरातील अनेक भागांमध्ये आगीच्या घटना घडल्या. विविध भागात ६ हून अधिक भागांत आगीचा भडका उडाला आहे.फटाक्यांमुळे लागलेल्या आगीमुळे बरेच नुकसान झाले आहे.नागपूर शहरातील जिओ स्मार्ट मार्केटमध्ये आग लागल्याची घटना काल रात्रीच्या सुमारास घडली.आग लागल्यामुळे मोठी दुर्घटना घडली.जिओ मार्टमध्ये आग लागल्याची माहिती मिळताच नागपूर महानगर पालिकेचे अग्नीशामक दल घटनास्थळी दाखल झाले.आग मोठी लागली असल्याने वाढत गेली.रात्रभर ६ अग्निशामक बंबच्या साह्याने आगीवर नियंत्रण मिळवण्यात यश आले.दरम्यान,जिओ मार्टमध्ये आग कश्यामुळे लागली,अद्याप स्पष्ट झाले नाही.धूर निघत असल्याचे एका कर्मचाऱ्याच्या निदर्शनास आले.त्यानंतर आगीने चांगलाच भडका घेतला.यासोबतच फटाक्यांच्या आतषबाजीमुळे नागपूर शहराच्या विविध भागात तब्बल सहा घटना घडल्या आहेत.फटाक्यांच्या ठिणग्या कचरा व वाहनावर उडाल्याने अनेक ठिकाणची वाहने जळून खाक झालीत.