उद्रेक न्युज वृत्त
गडचिरोली :- जिल्ह्यात हल्ली मोठ्या प्रमाणावर धूमधडाक्यात शासकीय बांधकामे सुरू असून सुरू असलेल्या बांधकामात एक आगळा-वेगळा प्रकार खाजगी कंत्राटरांकडून पहावयास मिळतो आहे. प्रत्यक्ष बांधकामात निकृष्ट दर्जाचा सिमेंट वापरला जात असून देयके(बिल)काढतांना ज्या सिमेंटचे दर जास्त अशाचे बिल जोडून शासनाच्या तिजोरीवर डल्ला घात असल्याचे सर्वत्र प्रकार नजरेसमोर प्रत्यक्ष दिसूनही न दिसल्यासारखे अधिकारी,कर्मचारी भासवत असल्याने ‘तेरी भी चूप मेरी भी चूप’असा सर्वत्र खेळ सुरू आहे.
शासकिय बांधकामात गडचिरोली जिल्हा व पैस्यावर भिल्ला अशी अवस्था झाली आहे.खाजगी कंत्राटदार मोठ्या प्रमाणावर शासकीय बांधकामे करतांना दिसून येत आहेत.पैश्याच्या हव्यासापोटी अनेक बांधकामांवर निकृष्ट दर्जाचे सिमेंट वापरले जाते आहे.कोणत्याही कंपनीचे सिमेंट वापरून बांधकामे पूर्ण तर केली जातात.मात्र देयक(बिल)काढायचे वेळेस वेगळ्याच सिमेंटचे बिल जोडली जातात.जसे, उदाहरणार्थ प्रत्यक्ष बांधकामात गोल्ड सिमेंट वापरला जातो तर बिल अल्ट्राटेक सिमेंटचे काढले जाते.बिल तर सोडा सिमेंट वापरावयाच्या वेळेस साधी प्रयोग शाळेतून चाचणीही केली जात नसल्याचे अनेक शासकीय बांधकामांवर दिसून येत आहे.चाचणी करण्याचा मुख्य उद्देश बांधकामात वापरले जाणारे सिमेंट निकृष्ट आहे की, योग्य प्रतीचे आहे; यासाठी चाचणी अहवाल महत्वाचा ठरतो.मात्र असे होतांना दिसून येत नसल्याने चोरीचा मामला हळूचकन बोंबला असे सर्व प्रकारावरून दिसून येत असल्याने यावर आळा बसणे आवश्यक आहे.यासाठी नागरिकांनी सुरू असलेल्या कामांवर जाऊन माहिती घ्या व जॉब विचारा; सर्वसामान्य नागरिकांनी आपला अधिकार विसरू नका.
