Wednesday, November 18, 2026
Homeगोंदियापोलिसांचा ज्याच्यावर संशय; तोच निघाला २८ वर्षीय महिलेचा मारेकरी.. - दोन दिवसांपूर्वी...

पोलिसांचा ज्याच्यावर संशय; तोच निघाला २८ वर्षीय महिलेचा मारेकरी.. – दोन दिवसांपूर्वी जंगलात आढळला होता मृतदेह..

- Advertisement -
- Advertisement -
- Advertisement -
- Advertisement -
उद्रेक न्युज वृत्त 
गोंदिया :-बेपत्ता झालेल्या एका २८ वर्षीय महिलेचा मृतदेह दोन दिवसांपूर्वी म्हणजेच मंगळवार ३ फेब्रुवारी रोजी दुपारच्या सुमारास मध्यप्रदेशकडे जाणाऱ्या मार्गावरील तिरोडा तालुक्याच्या बोंडराणी जंगलातील पाणंद रस्त्यालगत पळसाच्या झाडाखाली संशयास्पद स्थितीत आढळून आला होता.प्राथमिक तपासात महिलेच्या चेहऱ्यावर ॲसिड टाकल्याचे व शरीरावर जखमा असल्याचे आढळून आल्याने महिलेचा खून करून मृतदेह जंगलात फेकून दिल्याचे मृतदेहाच्या पाहणीवरून स्पष्ट झालेले असतांनाच काहानिमध्ये ट्विस्ट आला आहे.महिला ज्या व्यक्तीसोबत गेली त्यानेच तिचा घात केल्याचे पोलीस तपासात निष्पन्न झाल्याने दवनीवाडा व खैरलांजी पोलिसांनी आरोपीला बेड्या ठोकल्या आहेत.पूनम राकेश तुमाने वय २८ वर्षे रा.खैरी, जि.बालाघाट,मध्यप्रदेश असे खून झालेल्या महिलेचे नाव आहे,तर गावातीलच संजय तितरमारे वय ४१ वर्षे, रा.खैरी,जि.बालाघाट असे आरोपीचे नाव आहे.
पूनम तुमाने ही महिला २८ जानेवारी २०२६ रोजी गावातीलच संजय तितमारे याच्यासोबत वाराशिवनी न्यायालयात पेशी असल्याचे सांगून घरून निघाली होती.यानंतर पूनम व संजय हे दोघेही २८ जानेवारीला गोंदिया जिल्ह्याच्या तिरोडा तालुक्यातील परसवाडा टी पॉइंटवर गेले.तिथून पूनमने आपल्या आईला घरी येणार आहे; एवढे सांगून फोन कट केला.मात्र,रात्री उशिरापर्यंत पूनम घरी परतली नाही.संजयने पूनमच्या घरी जाऊन तुमची मुलगी माझ्यासोबत परत आली नाही.ती घरी आली कां?अशी विचारणा पूनमच्या वडिलांना केली. यानंतर ते वाराशिवनी व रामपायलीकडे पूनमचा शोध घेण्यासाठी निघाले. पण,तिचा शोध न लागल्याने बालाघाट जिल्ह्यातील खैरलांजी पोलिस स्टेशन येथे ती बेपत्ता असल्याची तक्रार दाखल केली होती.यानंतर पोलिसांनी पूनमचा शोध घेण्यास सुरुवात केली. अश्यातच ३ फेब्रुवारीच्या मंगळवारी दुपारच्या सुमारास बोंडराणी जंगलाकडे जाणाऱ्या पाणंद रस्त्यालगत पळसाच्या झाडाखाली एका महिलेचा मृतदेह चंद्रकुमार भगत या शेतकऱ्याला दिसून आला असता याची माहिती गावकरी व दवनीवाडा पोलिसांना दिली.घटनेची माहिती मिळताच दवनीवाडा पोलिस व उपविभागीय पोलिस अधिकारी रोहिणी बानकर,पोलिस निरीक्षक वैशाली ढाले,सहाय्यक पोलिस निरीक्षक संजय टेकाम घटनास्थळी दाखल होत मृतदेहाचा पंचनामा करून याप्रकरणी गुन्हा दाखल केला होता.याप्रकरणात पोलिसांना सुरुवातीपासूनच संजय तितरमारे याच्यावर संशय होता आणि तो खरा ठरला.सुरुवातीला त्याने उडवाउडवीची उत्तरे दिली.मात्र,खाकीच्या धाकापायी तो नरमला आणि गुन्हा कबूल केला.याप्रकरणी दवनीवाडा पोलिसांनी आरोपी संजय तितरमारे विरुद्ध भारतीय न्याय संहिता कलम १०३(१)अन्वये गुन्हा दाखल करून त्याला काल बुधवारी दवनीवाडा पोलिसांनी न्यायालयात हजर केले असता न्यायालयाने ६ फेब्रुवारीपर्यंत पोलिस कोठडी सुनावली.हत्या प्रकरणाचा पुढील तपास दवनीवाडा पोलिस प्रशासन करीत आहे.
Udrek News

- Advertisement -

मुख्य संपादक

RELATED ARTICLES
LATEST ARTICLES

Recent News

गडचिरोलीतील वैद्यकीय महाविद्यालय,राष्ट्रीय महामार्ग आणि अन्य विकासकामे अनावश्यक वन्यजीव परवानग्यांच्या अटींमुळे प्रलंबित राहू नयेत- मुख्यमंत्री देवेंद्र फडणवीस – बांबू लागवडीतून इथेनॉल निर्मितीला चालना..

उद्रेक न्युज वृत्त  मुंबई :-गडचिरोलीसारख्या दुर्गम व आदिवासीबहुल जिल्ह्यातील वैद्यकीय महाविद्यालय,राष्ट्रीय महामार्ग आणि अन्य विकासकामे अनावश्यक वन्यजीव परवानग्यांच्या अटींमुळे प्रलंबित राहू नयेत.प्रत्यक्ष व्याघ्र भ्रमणमार्ग नसलेल्या...

सायबर गुन्हेगारांनी चक्क पोलीस आयुक्तांचाच व्हॉट्सॲप केला हॅक..!

उद्रेक न्युज वृत्त :-सायबर गुन्हेगार कधी काय करतील याचा नेम नाही.सर्वसामान्य नागरिकांना टार्गेट करणाऱ्या सायबर गुन्हेगारांनी चक्क पोलीस आयुक्तांचेच व्हॉट्सॲप हॅक करून त्यांच्या स्टेटसवर...

आजचे मंत्रिमंडळ निर्णय; नक्षलवाद्यांनी सुरक्षा दलांकडून लुटून नेलेल्या शस्त्रांबाबत माहिती देणाऱ्यांना मिळणार रोख बक्षीस..

उद्रेक न्युज वृत्त  मुंबई :-राज्य मंत्रिमंडळाची आज,मंगळवार १७ नोव्हेंबर रोजी मुख्यमंत्री देवेंद्र फडणवीस यांच्या अध्यक्षतेखाली मुंबईत महत्वपूर्ण बैठक पार पडली.या बैठकीत एकूण चार निर्णय घेण्यात...

राष्ट्रवादी काँग्रेस पक्षातील सर्व आमदारांचा दुष्काळग्रस्त शेतकरी बांधवांना मदतीचा हात.. -एक महिन्याचे वेतन दिले मुख्यमंत्री सहाय्यता निधीस..

उद्रेक न्युज वृत्त  मुंबई :-राज्यातील दुष्काळग्रस्त शेतकरी बांधवांना मदतीचा हात देण्यासाठी अजित पवार गटाच्या राष्ट्रवादी काँग्रेस पक्षातील विधानसभा आणि विधान परिषदेतील सर्व आमदारांनी आपले एक...

Visitor Counter

- Advertisment -spot_imgspot_img

Recent News

Most Popular

error: Content is protected !!