नक्षली संघटना हादरली; कुख्यात नक्षली शरणागतीच्या वाटेवर..

उद्रेक न्युज वृत्त :-‘पीपल्स लिबरेशन गुरिल्ला आर्मी’ (PLGA)बटालियनचा कुख्यात नक्षलवादी  हिडमा माडवी याचा १८ नोव्हेंबर २०२५ रोजी सुरक्षा दलांनी खात्मा केला.त्यानंतर ही चळवळ चांगलीच हादरली आहे.अश्यातच आता त्याचा विश्वासू साथीदार बारसे देवा शरणागती पत्करण्याच्या तयारीत आहे.बारसे देवा जंगलातून सुरक्षित बाहेर येण्यासाठी सुकमा परिसरात एक कॉरिडोअर तयार करण्यात आला आहे.तो सरेंडर झाल्यास नक्षलवाद्यांची बटालियन जवळपास संपुष्टात येईल,असे म्हटले जात आहे.आंध्र प्रदेशच्या अल्लूरी सीताराम राजू जिल्ह्यातील एका चकमकीत जहाल नक्षलवादी हिडमा माडवी याचा सुरक्षा दलाने खात्मा केला.हिडमा याच्या मृत्यूनंतर छत्तीसगडच्या बस्तरची नक्षली संघटना चांगलीच हादरली आहे.हिडमा बस्तरच्या लोकल नेटवर्कला नक्षलवाद्यांशी जोडणारा महत्वाचा दुवा होता.हिडमा आणि बारसे देवा दोघेही सुकमाच्या पूर्वी गावाचे आहेत.दोन वर्षांपूर्वी हिडमाला सेंट्रल कमेटीमध्ये सहभागी करण्यात आले,तर त्याने बारसे देवाला ‘पीपल्स लिबरेशन गुरिल्ला आर्मी’ बटालियन नंबर एकचा कमांडर बनवला.मात्र,हिडमाच्या मृत्यूनंतर नक्षलवादी चळवळीला मोठा धक्का बसला आणि हळूहळू सर्वच आत्मसमर्पण करू लागलेत.