दारू तस्कराने दिमाक लावून काम केला; पण शेवटी जाळ्यात अडकला..!

गडचिरोली :-चोर कितीही शक्कल लढवून काम करीत असला तरीही तो खाकीच्या नजरेतून सुटूच शकत नाही. गडचिरोली जिल्ह्याच्या कोरची येथील कुख्यात दारू तस्कर निर्मल धमगाये हा नव-नव्या शक्कल लढवून दारू तस्करी करतो आहे.पण प्रत्येकवेळी शक्कल कामात येत नसल्याचा प्रकार उघडकीस आला आहे.यावेळी त्याने चक्क एका राजकीय पक्षाचे चिन्ह असलेल्या व्हीआयपी कारचा दारू तस्करिसाठी वापर केल्याचे उघड झाले आहे. प्रकरणी कोरची पोलिसांनी त्याने लढवलेल्या अक्लीचे वाटोळे करून त्याच्या दोन साथीदारांना अटक करून १८ लाख ४० हजार रुपये किंमतीच्या इंग्लिश दारूच्या तब्बल ४० पेट्यासह मुद्देमाल शनिवारी जप्त केला. धम्म गुणवंता बोरकर रा.गिधाडी,ता.गोरेगाव, जि.गोंदिया व लखन जोहरी बेसा रा.बेडगाव, ता.कोरची, जि.गडचिरोली या दोघांना अवैध दारू तस्करी प्रकरणी अटक करण्यात आली असून कुख्यात दारू तस्कर निर्मल धमगाये आणि त्याचा मुलगा तरुण धमगाये दोघेही फरार झाले आहेत.

गडचिरोली जिल्ह्याच्या कुरखेडा तसेच कोरची तालुक्यात लगतच्या गोंदिया जिल्ह्यातून अवैध दारूची तस्करी बऱ्याच कालावधीपासून सुरू आहे.यात सापडला तो चोर अन्यथा शिरजोर असे होत असल्याने अवध धंदे फोफावली आहेत.अनेकांना महिण्याकाठी मोठी पाकिटे जात असल्याने कोण अंगला हळद लावून घेणार,असे चित्र आहे.गडचिरोली जिल्ह्यात केवळ नावालाच दारूबंदी असल्याचे दिसून येत आहे.त्यामुळे अवैध धंदे वाढीस लागून निर्मल धमगाये याची टीम दारू तस्करी करीत असल्याची माहिती कोरची पोलीस ठाण्याचे एपीआय मुकुंद देशमुख यांना मिळाली होती.त्यानुसार सापळा रचण्यात आला.पहिल्यांदा कुरखेडा नजीक कार थांबविण्याचा प्रयत्न केला गेला,पण तस्करांनी चोर-पोलीस खेळ करून वाहनासह पळून गेले.नंतर दुसऱ्या सापळ्यात कोरची जवळील जांभळी मार्गावर जाळ्यात अडकले.पोलिसांनी वाहन,अवैध दारू आणि दोघांना अटक केली आहे.वाहनाची तपासणी केली असता वाहनावर एका राजकीय पक्षाचे चिन्ह दिसून आल्याने ते पाहून पोलीसांनी तोंडावर बोट ठेवला.