गडचिरोली जिल्ह्यातील खरीप पिकांची हंगामी पैसेवारी जाहीर..

गडचिरोली :-जिल्ह्याची सन २०२६-२७ या वर्षातील खरीप पिकांची हंगामी पैसेवारी जाहीर करण्यात आली आहे.चालू वर्षातील हंगामी पैसेवारी ही ६७ पैसे जाहीर करण्यात आली आहे.पीक असलेल्या १ हजार ५७२ गावांची पैसेवारी जाहीर करण्यात आली असून,या सर्व गावांची पैसेवारी ५० पैशांपेक्षा अधिक असल्याचे जिल्हाधिकारी अविश्यांत पंडा यांनी कळविले आहे.

तहसीलदारांकडून प्राप्त माहिती संकलित करून ही हंगामी पैसेवारी निश्चित करण्यात आली आहे. जिल्ह्यात एकूण १ हजार ६८८ गावे असून,त्यापैकी १ हजार ६२२ गावे खरीप पिकांची आहेत.या खरीप गावांपैकी ५० गावांमध्ये पीक नसल्याने उर्वरित १ हजार ५७२ गावांची हंगामी पैसेवारी जाहीर करण्यात आली आहे.प्राप्त माहितीनुसार,एकूण पिकाखालील क्षेत्राच्या दोनतृतीयांश क्षेत्रात खरीप पिकांची पेरणी झालेली चार रब्बी गावेही जिल्ह्यात आहेत.