कोंढाळा येथे ७७ वा स्वातंत्र्यदिन मोठ्या उत्साहात साजरा…

कोंढाळा(देसाईगंज):-भारतीय स्वातंत्र्याचा ७७ वा स्वातंत्र्यदिन देसाईगंज तालुक्याच्या कोंढाळा येथे आज,गुरुवार दिनांक-१५ ऑगस्ट रोजी मोठ्या उत्साहात साजरा करण्यात आला.

“थोर महात्मे होऊन गेलेत चरित्र त्यांचे पहा जरा, आपणही त्यांच्या समान व्हावे,हाच सापडे बोध खरा”..

देशासाठी प्राणाची आहुती देणाऱ्या व लढा उभारून इंग्रजांच्या गुलामगिरीतून सुटका करणाऱ्या वीर जवान,क्रांतिकारक,थोर महात्मे व जननायक यांनी पूर्वी केलेले कार्य अविस्मरणीय,न विसरण्यासारखे असल्याने भारतीय स्वातंत्र्याचा ७७ वा स्वातंत्र्यदिन आज संपूर्ण देशात मोठ्या उत्साहात साजरा करण्यात आला.स्वातंत्र्य दिनाचे औचित्य साधून आज कोंढाळा येथील ग्रामपंचायत कार्यालयाच्या प्रांगणात,नवीन हनुमान मंदिर मुख्य चौक,जिल्हा परिषद उच्च प्राथमिक शाळा, लोकमान्य टिळक विद्यालयाचे प्रांगणात तसेच शेतकरी उत्पादक कंपनीच्या प्रांगणात गावातील मान्यवरांच्या हस्ते सकाळच्या सुमारास ध्वजारोहण करण्यात आले.दिनांक-१३ ऑगस्ट पासूनच शासकीय कार्यालय, स्थानिक स्वराज्य संस्था व इतर शासनाच्या अखत्यारीतील विभागांमध्ये ध्वजारोहण करण्यात आले.अशातच आज सरपंचा अपर्णा राऊत यांच्या हस्ते ग्रामपंचायत कार्यालयाच्या प्रांगणात मुख्य ध्वजारोहण करण्यात आले तर नवीन हनुमान मंदिर मुख्य चौकातील ध्वजारोहण उपसरपंच गजानन सेलोटे,जिल्हा परिषद शाळेतील ध्वजारोहण शाळेचे मुख्याध्यापक योगेश ढोरे व शेतकरी उत्पादक कंपनीच्या प्रांगणातील ध्वजारोहण कंपनीचे अध्यक्ष सुनील पारधी यांच्या हस्ते करण्यात आले.

राष्ट्रीय ध्वज फडकवील्यानंतर मानवंदना,राष्ट्रगीत व महाराष्ट्र राज्याचे राज्यगीत गाऊन गावातील  मान्यवरांच्या उपस्थितीत स्वातंत्र्यदिन मोठ्या उत्साहात साजरा करण्यात आला.

ध्वजारोहण प्रसंगी ग्रामपंचायतीच्या सरपंचा अपर्णा राऊत,उपसरपंच गजानन सेलोटे,पोलीस पाटील किरणताई कुंभलवार,माजी महिला व बालकल्याण सभापती जिल्हा परिषद गडचिरोली रोषनिताई पारधी,माजी पं.समिती उपसभापती नितीन राऊत,ग्रामपंचायत सदस्य संदीप वाघाडे,सदस्या भुमेश्र्वरी गुरनुले,नलिना वालदे,प्रतिभा राऊत,कल्पना झीलपे,गोकुल ठाकरे,प्रफुल मेश्राम,तंटामुक्ती समिती अध्यक्ष हरिभाऊ पत्रे,उपाध्यक्ष भास्कर पत्रे,शाळा व्यवस्थापन समिती अध्यक्ष सुनील पारधी,उपाध्यक्ष पवन खोब्रागडे,सामाजिक कार्यकर्ते अरुण कुंभलवार,माजी सरपंच कैलास राणे,जिल्हा परिषद शाळेचे मुख्याध्यापक योगेश ढोरे, शिक्षक संतोष टेंभुर्णे,लालचंद धबेकर, लोकमान्य टिळक विद्यालयाचे मुख्याध्यापक देशमुख,सहाय्यक पशुवैद्यकीय अधिकारी ढेकवार, पत्रकार नितेश पाटील,माजी सरपंचा मंगला शेंडे,अनिता शेंडे,अनिता चौधरी, नागोराव उके,निखिल गोरे,पंढरी नखाते,नामदेव पारधी,नामदेव वसाके,ग्रामपंचायत कर्मचारी प्रदीप तुपट,अजय भर्रे,शाळेतील शिक्षकवृंद,उमेदचे सर्व महिला कर्मचारी,आशा वर्कर,आरोग्य उपकेंद्रचे डॉक्टर,कर्मचारी वृंद,अंगणवाडी सेविका,मदतनीस,शालेय विद्यार्थी-विद्यार्थिनी,प्रतिष्ठित नागरिक व गावातील नागरिक मोठ्या संख्येने उपस्थित होते.