एकलव्य निवासी शाळा प्रवेशपूर्व परीक्षा; तीन तालुक्यातील परीक्षा कोरचीत..

गडचिरोली :-एकात्मिक आदिवासी विकास प्रकल्प गडचिरोली अंतर्गत सन २०२६-२७ या शैक्षणिक वर्षात एकलव्य निवासी शाळामध्ये इयत्ता ६ वी चे वर्गात प्रवेश घेऊ इच्छिणाऱ्या व इयत्ता ७ वी ते ९ वीच्या वर्गातील विद्यार्थी अनुशेष भरुन काढण्याची शासकीय व अनुदानित आश्रमशाळा जिल्हा परीषद,नगरपालिका, महानगरपालिका व इतर शासनमान्यता प्राप्त प्राथमिक व माध्यमिक शाळेतील अनुसूचित/आदिम जमातीच्या विद्यार्थ्याकरीता स्पर्धा परीक्षेचे आयोजन येत्या,रविवार १ मार्च २०२६ रोजी इयत्ता ६ वी करीता सकाळी ११ ते दुपारी १ या वेळात तसेच इयत्ता ७ वी ते ९ वीच्या विद्यार्थ्यांकरीता सकाळी ११ ते दुपारी २ या वेळेत  करण्यात आले आहे.

इयत्ता ६ वी ते ९ वीच्या वर्गात प्रवेश घेऊ इच्छिणाऱ्या अनुसूचित जमातीच्या विद्यार्थ्यांकडून ऑफलाईन पद्धतीने अर्ज मागविण्यात आले होते.सदरची यादी परीक्षा केंद्रनिहाय लावण्यात आलेली आहे.प्रवेशपूर्व परीक्षा गडचिरोली,धानोरा,चामोर्शी,आरमोरी या तालुक्यातील शाळांसाठी एकलव्य निवासी शाळा चामोर्शी(सद्यास्थित-शासकीय इंग्रजी माध्यम आश्रमशाळा,गडचिरोली)येथे तसेच वडसा,कुरखेडा, कोरची या तालुक्यातील शाळांसाठी एकलव्य निवासी शाळा कोरची(सद्यास्थित-शासकीय माध्यमिक आश्रमशाळा,कोरची)या परीक्षा केंद्रावर घेण्यात येणार आहे.विद्यार्थ्यांनी परीक्षा केंद्रावर सकाळी ९ वाजता हजर राहावे.विद्यार्थ्यांनी आधार कार्ड किंवा ओळखपत्र सोबत आणावे विद्यार्थ्यांना परीक्षा केंद्रावर सुरक्षितपणे आणण्याची जबाबदारी संबंधित आश्रमशाळा, जि.प.अनुदानित व इतर शाळांच्या मुख्याधापक/शिक्षकांची आहे.परीक्षा केंद्रावर सर्व विद्यार्थ्यांनी वेळेवर उपस्थित राहावे,असे आवाहन सहाय्यक जिल्हाधिकारी तथा प्रकल्प अधिकारी अरुण एम.यांनी केले आहे.