‘इकडून दिले अन् तिकडून घेऊ लागले’.. खाद्य तेलाच्या किंमती भडकल्या; फोडणी महागली..

सूर्यफूल, शेंगदाणा, सोयाबीन,पाम तेलाच्या किमती आता विक्रमी पातळीवर पोहोचल्या आहेत.केंद्रातील सरकारने निर्णय घेतल्यानंतर लगेच तेलाचे दर वाढले आहे.त्यामुळे ऐन सणासुदीच्या दिवसांमध्ये सर्वसामान्यांची आर्थिक कोंडी होणार आहे. खाद्यतेलावरील आयात शुल्क वाढविण्याचा निर्णय घेतल्याने सणासुदीच्या काळात जिथे लोक तेल स्वस्त होण्याची वाट पाहत होते; तिथे थेट प्रतिकिलोमागे १५ ते २० रुपयांनी तेलाच्या दरात वाढ झाल्याने स्वयंपाक-घराचे बजेट बिघडले आहे.तेल महाग झाल्याने डाळी,भाज्यांची चवही बिघडणार आहे.