आदर्श प्राचार्य पुरस्कार प्राप्त डॉ.राजाभाऊ मुनघाटे यांचा कुरखेडा शहर विचार मंचाच्या वतीने गौरव..

कुरखेडा(गडचिरोली):-महाराष्ट्र शासनाचा प्रतिष्ठेचा ‘डॉ.जे.पी.नाईक आदर्श प्राचार्य’ पुरस्कार प्राप्त करून श्री गोविंदराव मुनघाटे कला व विज्ञान महाविद्यालयाचे उपक्रमशील प्राचार्य डॉ.राजाभाऊ मुनघाटे यांनी गडचिरोली जिल्ह्याच्या शैक्षणिक क्षेत्राचा गौरव वाढविला आहे.त्यांच्या या उल्लेखनीय यशाबद्दल कुरखेडा शहर विचार मंचाच्या वतीने आज गुरुवारी महाविद्यालयात भावपूर्ण सत्कार करण्यात आला.यावेळी डॉ.मुनघाटे यांना शाल,श्रीफळ,पुष्पगुच्छ व पेढा देऊन सन्मानित करण्यात आले.उपस्थित मान्यवरांनी त्यांच्या शैक्षणिक, सामाजिक व प्रशासकीय कार्याचे कौतुक करत हा पुरस्कार कुरखेडा तालुका व गडचिरोली जिल्ह्यासाठी अभिमानाची बाब असल्याची भावना व्यक्त केली.

सत्कार सोहळ्यास शहर विचार मंचाचे अध्यक्ष माधवदास निरंकारी,माजी नगराध्यक्ष रवींद्र गोटेफोडे, काँग्रेस तालुकाध्यक्ष जीवन पाटील नाट,राष्ट्रवादी काँग्रेसचे जिल्हा सरचिटणीस राम लांजेवार,कृषी उत्पन्न बाजार समितीचे संचालक मोनेश मेश्राम,सामाजिक कार्यकर्ते केशव गुरनुले,प्रा.डॉ.दशरथ आदे,मधुकर बोबाटे,उपप्राचार्य प्रा.किशोर खोपे,लोकमतचे

पत्रकार सिराज पठाण आदी उपस्थित होते.