अन् अपक्ष उमेदवाराने उपविभागीय अधिकाऱ्याच्या लगावली कानशिलात.. – संपूर्ण राज्यात पेन डाऊन संप करण्याचा इशारा देताच उमेदवारावर कारवाई करीत १४ दिवसांची कोठडी..

देवळी-उनियारा विधानसभा मतदारसंघाच्या

पोटनिवडणुकीसाठी बुधवारी १३ नोव्हेंबरला मतदान झाले.यावेळी अपक्ष उमेदवार नरेश मीणा यांनी उपविभागीय दंडाधिकारी(एस डी एम)अमित चौधरी यांना कानशिलात लगावली.याचे महसूल विभागात संतप्त पडसाद उमटले.राजस्थान प्रशासकीय

सेवा अधिकारी संघटनेने नरेश मीणा यांच्या अटकेची

मागणी केली.महसूल अधिकारी व कर्मचारी संघटनांनी मीनाच्या अटकेची मागणी करीत,अटक न झाल्यास गुरुवारपासून संपूर्ण राज्यात पेन डाऊन संप करण्याचा इशारा दिला होता.तर मीना यांनी प्रशासनाला आव्हान देत गावात आंदोलन केले. प्रशासनावर दबाव टाकता यावा म्हणून त्यांनी आपल्या समर्थकांना सामरावता गावात मोठ्या संख्येने लाठ्या-काठ्या घेऊन जमण्यास सांगितले नरेश मीणा समर्थकांना आवर घालण्यासाठी पाच पोलिस ठाण्यांमधून पोलिसांना पाचारण करावे लागले.यावेळी हिंसाचार आणि जाळपोळ झाल्यानंतर नरेश मीणा आणि त्यांच्या १०० हून अधिक समर्थकांना पोलिसांनी ताब्यात घेतले आहे.मात्र,नंतर मीना पोलिसांच्या ताब्यातून फरार झाला.या घटनेनंतर आरएएसच्या अधिकाऱ्यांनी नरेश मीणाला अटक करण्याची मागणी केली.त्याचवेळी मीना यांनी प्रशासनाला आव्हान देत आंदोलन केले,तसेच त्याच्या समर्थकांना लाठी-काठी घेऊन जमण्यास सांगितले. या घटनेनंतर राजस्थानच्या टोंकमध्ये प्रचंड तणाव निर्माण झाला होता.अमित चौधरी हे राजस्थान प्रशासकीय सेवेचे अधिकारी आहेत.ते सध्या टोंक जिल्ह्यातील मालपुरा येथे एसडीएम आहेत.अमित चौधरी हे राजस्थानमधील २०१९ बॅचचे अधिकारी आहेत.अमित चौधरी हे मूळचे अलवर येथील आहेत.