अनैतिक संबंधातून जन्माला आलेल्या मुलांचा पालकांच्या मालमत्तेवरही अधिकार.. – पोलिस कर्मचाऱ्याच्या विवाहबाह्य संबंधांतील निर्णय..

नागपूर :-कित्येक प्रकरणांमध्ये एखाद्याचे विवाहबाह्य संबंध वा विवाहापूर्वी एखाद्या तरुणीवर मातृत्व लादण्याचे प्रकार बऱ्याच ठिकाणी उघडकीस येत आहेत. मात्र,अंगावर शेकली की,यातून बाहेर पडण्याचे अनेक मार्ग शोधून ‘तो मी नव्हेच’ अशी भूमिका अनेकजण घेतांना दिसून येतात.अश्याच प्रकारे एका पोलिस कर्मचाऱ्याने विवाहबाह्य संबंधातून एक मुलगा जन्माला आला.प्रकरणी पहिल्या पत्नीच्या मुलाने मुंबई उच्च न्यायालयाच्या नागपूर खंडपीठात धाव घेत अनैतिक मुलगा असल्यामुळे तो नोकरीसाठी पात्र नाही,अशी याचिका दाखल केली.यावर मुंबई उच्च न्यायालयाच्या नागपूर खंडपीठाचे न्यायमूर्तिद्वय अनिल किलोर व राज वाकोडे यांनी पालकांच्या बेकायदेशीर कृतीसाठी त्यांच्या मुलांना जबाबदार धरले जाऊ शकत नाही.त्यामुळे पालकांच्या अनैतिक संबंधातून जन्मलेली मुलेही नैतिकतेचे अधिकार मिळण्यास पात्र असतात,असा महत्त्वपूर्ण निर्णय  दिला आहे.पालकांच्या अवैध कृतीवर मुलांचा कोणताही ताबा किंवा नियंत्रण नसते.ते निष्पाप असतात.त्यामुळे त्यांना पालकांच्या चुकीची शिक्षा दिली जाऊ शकत नाही.त्यांच्यासोबत भेदभाव केला जाऊ शकत नाही.त्यांना इतर कायदेशीर मुलांसारखीच वागणूक देणे आवश्यक आहे.या मुलांचा पालकांच्या मालमत्तेवरही अधिकार असतो, असेदेखील न्यायालयाने स्पष्ट केले आहे.