उद्रेक न्युज वृत्त
गडचिरोली :-अल्पसंख्याकांना मुख्य प्रवाहात आणण्यासाठी मौलाना आजाद अल्पसंख्यांक आर्थिक विकास महामंडळ कार्यरत आहे.या अंतर्गत विविध योजनांचा लाभ अनेकांना मिळत आहे.मौलाना आझाद अल्पसंख्याक महामंडळाचा लाभ मुस्लीम, शीख,जैन,पारसी,ख्रिश्चन अशा धर्मातील बांधवांना मिळत असून सध्या स्थितत महामंडळाचे कामकाज चंद्रपूर येथील कार्यालयातून चालविण्यात येत आहे. त्यामुळे गडचिरोली व गोंदिया येथील जनतेला विविध अडचणींचा सामना करावा लागत आहे.दोन्ही जिल्ह्यातील जनतेला महामंडळा मार्फत विविध योजनांचा लाभ त्याच जिल्ह्यात मिळावा; यासाठी राष्ट्रवादी काँग्रेस पार्टीचे महाराष्ट्र प्रदेश महासचिव युनूस शेख,प्रदेश उपाध्यक्ष नाना नाकाडे तसेच गडचिरोली जिल्हाध्यक्ष रवींद्र वासेकर यांनी राज्याचे अन्न व औषध प्रशासन प्रशासन मंत्री धर्मरावबाबा आत्राम यांच्याकडे गडचिरोली व गोंदिया जिल्ह्यामध्ये मौलाना आजाद अल्पसंख्यांक आर्थिक विकास महामंडळाचे कार्यालय व्हावे व दोन्ही जिल्ह्यातील जनतेला त्रास होऊ नये; याकरीता निवेदनाद्वारे मागणी करून साकडे घातले होते.त्यानुसार मंत्री धर्मरावबाबा आत्राम यांनी जनतेची कळकळ लक्षात घेता; व्यवस्थापकीय संचालक,मौलाना आजाद अल्पसंख्यांक आर्थिक विकास महामंडळ मर्यादित,मुंबई यांना पत्र पाठवून यासंदर्भात अवगत केले.लगेच व्यवस्थापकीय संचालकांनी आदेश काढून गडचिरोली व गोंदिया जिल्ह्याकरीता मौलाना आजाद अल्पसंख्यांक आर्थिक विकास महामंडळा करीता मंजुरी दिली आहे.आत्राम यांनी गडचिरोली व गोंदिया जिल्ह्याच्या जिल्हाधिकारी यांना कार्यालय सुरु करण्यासाठी अखत्यारितील जागेपैकी ४०० ते ५०० चौ.फुट क्षेत्रफळाची कार्यालयीन जागा उपलब्ध करुन देण्याचे पत्र पाठविण्यात आले आहे.लवकरच गडचिरोली व गोंदिया जिल्ह्यात मौलाना आजाद अल्पसंख्यांक आर्थिक विकास महामंडळाचे जिल्हा कार्यालय होणार असल्याने जनतेला होणारा त्रास संपुष्टात येणार आहे. राज्याचे अन्न व औषध प्रशासन मंत्री धर्मरावबाबा आत्राम तसेच राष्ट्रवादी काँग्रेस पार्टीचे महाराष्ट्र प्रदेश महासचिव युनूस शेख यांच्या पुढाकाराने हे सर्व शक्य झाल्याने दोन्ही जिल्ह्यातील जनतेंनी आभार व्यक्त केले आहे.
