उद्याला राज्यमंत्री डॉ.पंकज भोयर गडचिरोलीत..

गडचिरोली :-राज्याचे गृह(ग्रामीण),गृहनिर्माण, शालेय शिक्षण,सहकार व खनिकर्म राज्यमंत्री डॉ. पंकज भोयर हे उद्या,रविवार १६ ऑगस्ट रोजी गडचिरोली जिल्ह्याच्या दौऱ्यावर येत आहेत.या दौऱ्यात ते ‘विकसित गडचिरोली जिल्हा-व्हिजन २०४७’ आराखड्यासंदर्भातील कार्यक्रमास उपस्थित राहणार असून,शालेय शिक्षण व गृह विभागाशी संबंधित विषयांचा स्वतंत्रपणे आढावा घेणार आहेत. तसेच कौशल्य विकासाशी संबंधित लॉयड्स मिशन फॉर ग्लोबल स्किल अकादमीलाही भेट देणार आहेत.

राज्यमंत्री डॉ.भोयर हे उद्या रविवारी सकाळी ११ वाजता आर.के.सेलिब्रेशन हॉल येथे आयोजित ‘विकसित गडचिरोली जिल्हा-व्हिजन २०४७’ आराखडा तयार करण्यासंदर्भातील कार्यक्रमास उपस्थित राहतील.

त्यानंतर दुपारी १२ वाजता जिल्हा परिषद सभागृहात गडचिरोली जिल्ह्यातील शालेय शिक्षण विभागाशी संबंधित विविध विषयांचा आढावा ते घेणार आहेत. दुपारी १ ते २ ही वेळ राखीव ठेवण्यात आली आहे.

दुपारी २ वाजता वरिष्ठ अधिकारी विश्रामगृहातील कॉन्फरन्स हॉल येथे गृह विभागाशी संबंधित विषयांची आढावा बैठक होणार आहे.या बैठकीत जिल्ह्यातील गृह विभागाशी संबंधित विविध बाबींचा आढावा घेतला जाणार आहे.यानंतर दुपारी ३ वाजता राज्यमंत्री डॉ.भोयर हे धानोरा रोडवरील मौजा बोडली येथील लॉयड्स मिशन फॉर ग्लोबल स्किल अँड एंटरप्रेन्योरशिप अकादमी येथे भेट देतील.दुपारी ४ वाजता पोटेगाव रोडवरील आमदार डॉ.मिलिंद नरोटे यांच्या संपर्क कार्यालयात भेट व चर्चा.सायंकाळी ५ वाजता ते गडचिरोली येथून नागपूरकडे प्रयाण करतील.