उद्याला बँक कर्मचाऱ्यांचा देशव्यापी संप..!

उद्रेक न्युज वृत्त :-युनायटेड फोरम ऑफ बँक युनियन्स(यूएफबीआय)या बँक कर्मचारी आणि अधिकाऱ्यांच्या संयुक्त संघटनेने उद्या,शुक्रवार ११ सप्टेंबर रोजी एक दिवसीय देशव्यापी संपाची हाक दिली आहे.सरकार आणि बँक युनियन यांच्यात चर्चा होऊनही प्रमुख मागण्यांवर कोणताही ठोस तोडगा निघालेला नसल्याने संघटना संप करण्यावर ठाम आहे.यामुळे बँक शाखांमधील रोजच्या दैनंदिन कामकाजावर परिणाम होऊ शकतो.मात्र,डिजिटल बँकिंग,यूपीआय आणि एटीएम यांसारख्या काही सेवा सुरू राहण्याची शक्यता आहे.उद्या होणाऱ्या संपाची सुरुवात ही मोठ्या आंदोलनाची तयारी असल्याचे संघटनेने म्हटले आहे. मागण्यांवर तोडगा निघाला नाही,तर यूनियनने २८ ते ३० सप्टेंबरपर्यंत तीन दिवसांचा देशव्यापी संपाची घोषणा केली आहे. यानंतर २६ ऑक्टोंबरपासून अनिश्चितकालीन संपाचा इशारा देण्यात आला आहे.संप करण्यामागचे मुख्य कारण म्हणजे,बँकांसाठी आठवड्यातून पाच दिवस बँकिंग सुरू ठेवणे म्हणजे बँकांना पाच दिवसांचा आठवडा लागू करण्यात यावा. तसेच यूनियन पब्लिक सेक्टरच्या बँकांचे वरिष्ठ अधिकाऱ्यांसाठी परफॉर्मेंस लिंक्ड इंसेंटिव्ह म्हणजेच ‘पीएलआय’ व्यवस्थेविषयीही प्रश्न उपस्थित केले जात आहेत. पीएलआय योजनेबाबतचे मतभेद दूर करणे व पेन्शनशी संबंधित प्रलंबित मागण्या पूर्ण करणे,आदी मागण्यांसंदर्भात युनायटेड फोरम ऑफ बँक युनियन्सने देशव्यापी संप पुकारला आहे.