उद्याला गडचिरोलीत रोजगार मेळाव्याचे आयोजन..

गडचिरोली :-गोंडवाना विद्यापीठ,गडचिरोली कौशल्य विकास रोजगार व उद्योजकता मार्गदर्शन केंद्र गडचिरोली,दे-आसरा फाऊंडेशन आणि इनक्यूबेशन कम बिझनेस फॅसिलिटेशन सेंटर गडचिरोली यांच्या संयुक्त विद्यमाने गोंडवाना विद्यापीठ,कोटगल रोड गडचिरोली येथे उद्या,बुधवार २५ मार्च रोजी सकाळी ११ वाजता पंडित दिनदयाल उपाध्याय रोजगार/उद्योजक मेळावा आयोजित करण्यात आला आहे.

सदर रोजगार/उद्योजक मेळाव्यामध्ये डॉ.रविंद्र अहेर (बिझनेस ग्रोथ स्ट्रॅटजिस्ट),अमर नायसे(ब्रेन ऑप्टीमायझेसन कोच)व अनिरूदध आठवले(मेंटर इनफेड-IIM नागपूर)उपस्थित राहून उमेदवारांना रोजगार व स्वयंरोजगाराच्या संधी याबाबत मार्गदर्शन करणार आहेत.त्यासह विविध नामांकित कंपन्या सुध्दा सहभागी होणार आहेत.सदर रोजगार/उद्योजक मेळाव्याकरिता ईच्छूक असलेल्या उमेदवारांनी/उद्योजकांनी उद्या बुधवारी गोंडवाना विद्यापीठ,कोटगल रोड गडचिरोली येथे सकाळी अकरा वाजता उपस्थित राहून रोजगार/उद्योजक मेळाव्याचा लाभ घ्यावा,असे आवाहन जिल्हा कौशल्य विकास,रोजगार व उद्योजकता मार्गदर्शन केंद्र गडचिरोली यांनी केले आहे.