आता ५ लाख रुपयांपर्यंत यूपीआय ने करता येणार व्यवहार…

उद्रेक न्युज वृत्त :-सध्या देशात यूपीआय ट्रान्जेक्शनचे(ऑनलाईन पेमेंट)प्रमाण वाढले आहे. स्मार्टफोनचे प्रमाण वाढल्यामुळे यूपीआयच्या ट्रान्जेक्शनच्या प्रमाणातही वाढ झाली आहे.आजकाल प्रत्येकजण छोठे-मोठे आर्थिक व्यवहार तसेच पैसे ट्रान्सफर करण्यासाठी यूपीआयचा वापर करीत आहेत.एखाद्या मोठ्या दुकानापासून ते रस्त्याच्या बाजूला असलेल्या छोट्या दुकानापर्यंत प्रत्येकाकडे आज यूपीआय पेमेंटसाठी क्यूआर कोड लावलेला असतो.मात्र यूपीआयचे व्यवहार करण्यासाठी असलेली डेली लिमीट अनेकांसाठी अडचणीचा विषय ठरत होती.तशी तक्रार अनेकजणांकडून केली जात होती.यावरच आता नॅशनल पेमेंट्स कॉरपोरेशन ऑफ इंडिया (एनपीसीआय) ने एक मोठा निर्णय घेतला १६ सप्टेंबरपासून यूपीआयच्या रोजच्या व्यवहारात वाढ करण्यात आली आहे. एनपीसीआयने (नॅशनल पेमेंट्स कॉर्पोरेश ऑफ इंडिया) रिझर्व्ह बँक ऑफ इंडियाच्या निर्देशानुसार १६ सप्टेंबरपासून अनेक भागांत यूपीआय ट्रान्जेक्शनच्या मर्यादेत वाढ करण्याचा निर्णय घेतला आहे.८ऑगस्ट रोजी आरबीआयच्या चलनविषयक धोरण समितीची बैठक झाली होती.या बैठकीनंतर आरबीआयने यूपीआयच्या व्यवहाराची मर्यादा वाढवण्याचे संकेत दिले होते.आता हा याबाबतचा निर्णय घेण्यात आला असून एनपीसीआयने सर्व यूपीआय ॲप,पेमेंट सर्व्हिस प्रोव्हायडर्स तसेच बँकांना याबाबत माहिती दिली आहे.सर्वांनी आपल्या सिस्टिममध्ये अपडेट करावे; अशी सूचनाही यूपीआयने केली आहे.