भारताची युवा नेमबाज मनू भाकरने पॅरिस ऑलिम्पिकमध्ये रचला इतिहास..-पिस्तूल प्रकारात कांस्य पदकावर उमटवली मोहर..

उद्रेक न्युज वृत्त :-भारताची युवा नेमबाज मनू भाकरने आज दिनांक – २८ जुलै रोजी पॅरिस ऑलिम्पिकमध्ये इतिहास घडवला.१० मीटर एअर पिस्तूल प्रकारात तिने कांस्य पदकावर आपली मोहर उमटवली आहे. ऑलिम्पिकमध्ये पदक पटकविणारी ती देशाची पहिली नेमबाज ठरली आहे.२००४ मध्ये सुमा शिरूरनंतर वैयक्तिक स्पर्धेत ऑलिम्पिक नेमबाजीच्या अंतिम फेरीत पोहोचणारी २० वर्षांतील पहिली भारतीय महिला ठरली.अटीतटीच्या लढतीत मनू भाकरने २२१.७ गुणांसह कांस्यपदक मिळवले आहे.मनू भाकरने १० मीटर्स एअर पिस्टल नेमबाजीच्या अंतिम फेरीत धडक मारली होती.२२ वर्षांची मून भाकर ही मूळची हरियाणातल्या झज्जर तालुक्याची आहे.मनू भाकरने आपल्या नेमबाजी करिअरमध्ये आतापर्यंत चांगली कामगिरी केली आहे.आंतरराष्ट्रीय पातळीवरही तिने आपला ठसा उमटवलेला आहे.अशातच आता ऑलिम्पिकमध्ये पदक जिंकल्याने मनू भाकरने सर्वांची मने जिंकली आहेत.