उद्रेक न्युज वृत्त
गडचिरोली :-कौशल्य विकास,रोजगार व उद्योजकता माहीती व मार्गदर्शन केंद्र गडचिरोलीच्या वतीने जिल्ह्यातील अनुसुचित जमातीच्या उमेदवांराकरीता एम.पी.एस.सी.तसेच जिल्हा निवड समीतीच्या विविध पद भरती आणि आयबीपीएस व शॉर्ट सर्व्हीस कमीशनच्या परीक्षाबाबत स्पर्धा पुर्व प्रशिक्षण कार्यक्रम विनामुल्य राबविण्यात येत आहे.
सदर प्रशिक्षण घेऊ इच्छीणा-या उमेदवांराकडे शालांत परीक्षा उतीर्ण प्रमाणपत्र व रोजगार नोंदणी कार्ड असणे आवश्यक आहे.प्रशिक्षणाचा कालावधी साडेतीन महीने आहे.प्रशिक्षणा दरम्यान दरमहा एक हजार रुपये विद्यावेतन दिले जाईल.प्रशिक्षण पूर्ण करणा-या उमेदवांराना चार पुस्तकांचा संच व प्रमाणपत्र देण्यात येते.कार्यालयात अर्ज विनामुल्य उपलब्ध असून अर्ज दि.२९ जुलै २०२४ पर्यत कौशल्य विकास कार्यालयात सादर करावेत.तदनंतर मुलाखत दि.३० जुलै रोजी आदिवासी उमेदवांराकरीता कौशल्य विकास,रोजगार व उद्योजकता माहिती व मार्गदर्शन केंद्र,शासकीय संकुल बॅरेक क्र.२ गडचिरोली येथे घेण्यात येणार आहे.त्याकरीता उपस्थित राहावे. अधिक माहीतीसाठी 8485814488 या क्रमाकांवर संपर्क साधावा; असे आवाहन कौशल्य विकास रोजगार व उद्योजकता मार्गदर्शन अधिकारी यांनी केले आहे.
