उद्रेक न्युज वृत्त
गोंदिया :- शहरासह जिल्ह्यात मोठ्या प्रमाणात विनापरवाना होर्डिंग लावण्यात येतात.प्रसंगी कारवाईही करण्यात येते.मात्र हा प्रकार अद्यापही थांबलेला नाही.अशातच १८ जून च्या रात्री ११ वाजेच्या सुमारास विद्युत खांबावरील होर्डिंग काढत असतांना विद्युत धक्का लागून युवकचा मृत्यू झाला. आकाश नागरीकर असे मृत युवकाचे नाव आहे.
सविस्तर असे की,मागील काही वर्षापासून प्रचार व प्रसिद्धीसाठी मोठ्या प्रमाणात होर्डिंग लावल्या जात आहेत.होर्डिंग लावतांना प्रशासकीय यंत्रणेकडून मंजुरी घेणे आवश्यक आहे.त्यातच होर्डिंगचे कंत्राट अनेक ठिकाणी यंत्रणेकडून एजंसीला देण्यात आले आहे.त्या एसेंजीच्या माध्यमातूनच होर्डिंग लावण्याचे काम होत असते.मात्र या व्यतिरिक्तही अवैधरित्या होर्डिंग लावण्यात येत असतात.पालिका प्रशासनाकडून किंवा संबंधित यंत्रणेकडून त्यांच्यावर कारवाई करण्यात येते.मात्र हा प्रकार थांबलेला नाही. मुंबई येथील प्रकरण गाजल्यानंतर यात सुधारणा होईल असे वाटले होते.मात्र गोंदिया शहरात १८ जूनच्या रात्री एका विद्युत खांबावरील होर्डिंग काढतांना युवकाला आपला जीव गमवावा लागला.
विद्युत खांबावरील होर्डिंग काढत असतांना विद्युतच शॉक लागून आकाशचा मृत्यू झाला.कुटुंबातील कमावता व्यक्ती गमावल्याने कुटुंबियावर आभाळ कोसळण्यासारखेच झाले.मागील काही वर्षापासून गोंदिया विधानसभा समुहाच्या माध्यमातून सामाजिक कार्य करण्यात येते.त्याअनुषंगाने मृतक आकशच्या कुटुंबाला आर्थिक मदतीचे आवाहन करण्यात आले. मोठ्या प्रमाणात दानदात्यांनी मदत केली. ही मदत समुहाच्या माध्यमातून आकाशच्या कुटुंबाला देण्यात येणार आहे.
