उद्रेक न्युज वृत्त
संपादक/ मुनिश्वर बोरकर
गडचिरोली :- महाराष्ट्र प्रदेश आदिवासी कांग्रेसचे अध्यक्ष डॉ.नामदेव उसेंडी यांनी आपल्या पदाचा राजीनामा देऊन कांग्रेसला रामराम ठोकला असल्याने गडचिरोली जिल्ह्यातील कांग्रेसला पुन्हा एकदा मोठा धक्का बसला आहे.यापूर्वी कांग्रेसचे प्रदेश सचिव डॉ. नितिन कोडवते व कांग्रेसचे महिला प्रदेश सचिव डॉ. चंदा कोडवते या दापंत्यानी कांग्रेसला रामराम ठोकुन भाजपाचे प्रदेश अध्यक्ष चंद्रशेखर बावणकुळे यांच्या मुंबई येथील कार्यालयात भाजपामधे प्रदेश करून भाजपाचा दुप्पटा बांधला.कांग्रेसला दुसरा झटका डॉ. उसेंडी यांनी देऊन उद्या वंचितची उमेदवारी अर्ज भरणार की काय? अशी चर्चा असुन वंचितच्या स्थानिक नेत्यासी तश्या प्रकारची चर्चा झाल्याची वंचितचे उपाध्यक्ष जि.के.बारसिंगे यांनी दुजोरा दिला आहे.कांग्रेसच्या महाराष्ट्रातील तिकीट वाटप समितीने माझ्याकडे पैसे नसल्याचे कारण सांगुन बाहेर जिल्ह्यातील नवखा परंतु श्रीमंत व्यक्तीला तिकीट देऊन माझ्यावर अन्याय केल्यामुळे मी या अन्याया विरुद्ध महाराष्ट्र प्रदेश आदिवासी कांग्रेसच्या प्रदेशाध्यक्ष पदाचा राजीनामा देत आहे; असे कारण पत्रकारांना सांगितले.त्यामुळे ऐन निवडणुकीच्या तोंडावर कांग्रेसमधे मोठी खळबळ उडाली आहे. कांग्रेसमधे असतांना चिमुर लोकसभा निर्वाचन क्षेत्रात कार्यक्रम,बैठका व गावोगावी संपर्क ठेवला परंतु कांग्रेसनी माझी कदर केली नाही.आता मात्र कांग्रेसवाले माझी मनधरणी करीत आहेत.मला विधानसभेची उमेदवारी AB फार्म आजच दिला तर मी विचार करू शकतो; अन्यथा माझा मार्ग मोकळा असेही ते सांगण्यास विसरले नाही.डॉ.नामदेव उसेंडी यांनी आपल्या घरी बोलविलेल्या पत्रकार परिषदेला माजी जि.प.अध्यक्ष तथा कांग्रेसचे नेते बंडोपंत मलेल्लवार,काँग्रेसचे अनु.जातीचे नेते काशिनाथ भडके उपस्थित होते.
