उद्रेक न्युज वृत्त
संपादक/सत्यवान रामटेके
गडचिरोली :- हवामान खात्याने वर्तविलेल्या अंदाजानुसार गडचिरोली व चंद्रपूर जिल्ह्यात पुढील दोन दिवस काही ठिकाणी हलक्या सरीचा पाऊस तर काही ठिकाणी विजांच्या कडकडाटासह मेघ गर्जना आणि वादळ-वारा येणार असल्याची संभावना प्रादेशिक हवामान केंद्र नागपूर विभागाने वर्तविली आहे.
हवामान खात्याने वर्तविण्यात आलेल्या अंदाजानुसार ३० मे ते ३१ मे २०२३ रोजी गडचिरोली आणि चंद्रपूर जीह्यात येलो अलर्ट घोषित करण्यात आला आहे. दिवसा कडाक्याचे ऊन तापत आहे तर सायंकाळी अवकाळी पाऊस पडत असल्याने उष्णतेने जीव कासावीस होत आहे.हल्ली उकाड्याचे दिवस सुरू असून अवकाळी पावसाने घातलेला थैमान जणूकाही आश्चर्यकारक आहे.अशातच लहान मुले,वयोवृद्ध, तरुण युवक-युवती व इतर नागरिकांच्या आरोग्यावर विपरीत परिणाम होत असल्याची दाट संभावना निर्माण झाली आहे.त्यामुळे नागरिकांनी अवकाळी पडणारे पावसाचे पाणी व कडाक्याच्या उन्हापासून बचाव करणे आवश्यक आहे.
