राज्यात पावसाचा जोर वाढण्याची शक्यता; दोन दिवस पावसाचे..

उद्रेक न्युज वृत्त :-महाराष्ट्र राज्यात पुन्हा पावसाचा जोर वाढण्याची शक्यता हवामान खात्याकडून वर्तविण्यात आली आहे.पुढील दोन दिवस राज्यातील विविध भागात पावसाची तीव्रता कायम राहणार आहे; तर उद्या रविवारी उत्तर महाराष्ट्रात मुसळधार पावसाचा ऑरेंज अलर्ट देण्यात आला आहे.विशेषतः विदर्भात आज,शनिवार १२ सप्टेंबर रोजी मुसळधार पाऊस,तर रविवार १३ सप्टेंबर आणि १४ सप्टेंबर रोजी मध्यम पावसाचा अंदाज वर्तवण्यात आला आहे.त्याचबरोबर,मध्य महाराष्ट्रात आज आणि उद्या मुसळधार पाऊस पडण्याचा अंदाज आहे.तर मराठवाड्यात आज काही भागांत मध्यम स्वरूपाचा पाऊस होण्याची शक्यता आहे.विशेष म्हणजे, बंगालच्या उपसागरात कमी दाबाच्या क्षेत्रामुळे पावसाचे पुनरागमन होऊन राज्यातील अनेक भागांत ढगाळ वातावरण आणि पावसाच्या सरी पाहायला मिळण्याची शक्यता आहे.काही ठिकाणी मुसळधार पावसामुळे स्थानिक पातळीवर पाणी साचण्याची शक्यता असल्याने नागरिकांनी आवश्यक ती खबरदारी घेण्याचे आवाहनही करण्यात आले आहे.कोकणातही आज,शनिवार १२ सप्टेंबर ते १६ सप्टेंबरदरम्यान मुसळधार पाऊस होण्याची शक्यता आहे.त्यामुळे या भागातील नागरिकांना सतर्क राहण्याचा इशारा देण्यात आला आहे.