औषध विक्रेत्यांच्या बंदच्या पार्श्वभूमीवर प्रशासन सतर्क; तालुकानिहाय संपर्क क्रमांक जाहीर..

गडचिरोली :-ऑल इंडिया ऑरगनायझेशन ऑफ केमिस्ट ॲण्ड ड्रगिस्ट या संघटनेने देशभरातील ऑनलाईन इंटरनेट फार्मसीच्या विरोधात येत्या,बुधवार २० मे २०२६ रोजी संपूर्ण भारतभर किरकोळ व घाऊक औषध व्यवसाय बंद ठेवण्याचे आवाहन केले आहे.या पार्श्वभूमीवर गडचिरोली जिल्ह्यातील नागरिकांना अत्यावश्यक औषधांचा पुरवठा सुरळीत मिळावा आणि रुग्णांची गैरसोय होऊ नये यासाठी अन्न व औषध प्रशासन विभागाने विविध उपाययोजना हाती घेतल्या आहेत.

अन्न व औषध प्रशासनाने जिल्ह्यातील किरकोळ व घाऊक औषध विक्रेत्यांशी वैयक्तिक स्तरावर संपर्क साधून नियोजित बंदमध्ये सहभागी होऊ नये,असे आवाहन सातत्याने सुरू ठेवले आहे.तसेच बंदच्या काळात काही औषध दुकाने सुरू राहतील याची दक्षता घेण्याबाबत संबंधित संघटनेच्या पदाधिकाऱ्यांना सूचना देण्यात आल्या असून त्यांनी त्यास सकारात्मक प्रतिसाद दिल्याचे प्रशासनाने स्पष्ट केले आहे.

आपत्कालीन परिस्थितीत औषधांची आवश्यकता भासल्यास नागरिकांनी प्रशासनाने उपलब्ध करून दिलेल्या संपर्क क्रमांकांवर संपर्क साधावा,असे आवाहन करण्यात आले आहे.यासाठी औषध निरीक्षक नालंदा उरकुडे (मो.9096414104)तसेच सहायक आयुक्त(औषधे)नीरज लोहकरे(मो.7276544972) यांचे संपर्क क्रमांक जाहीर करण्यात आले आहेत.

• जिल्ह्यातील तालुकानिहाय संपर्क क्रमांक👇

सिरोंचा – 9421729671

भामरागड – 9404438383

एटापल्ली – 9421856516

आलापल्ली – 9421729384

अहेरी – 9767820220

मुलचेरा – 9421854819

आष्टी – 9422151299

चामोर्शी – 9588678242

गडचिरोली – 9421735620 / 9423422130

आरमोरी – 9403820216 / 9420973680

देसाईगंज – 9422150640 / 8999362844

कुरखेडा – 9404831332

कोरची – 9422154766 / 7757005944

धानोरा – 7588772743

अन्न व औषध प्रशासनाने नागरिकांना कोणत्याही अफवांवर विश्वास न ठेवण्याचे आवाहन केले असून, अत्यावश्यक परिस्थितीत प्रशासनाशी संपर्क साधून आवश्यक सेवा घ्याव्यात,असे गडचिरोलीचे अन्न व औषध प्रशासन विभागाचे सहाय्यक आयुक्त(औषधे) नीरज लोहकरे यांनी म्हटले आहे.