प्रेयसीची हत्या करून फरार झालेला आरोपी अटकेत..

रुचिका ही धनवटे नॅशनल कॉलेजमध्ये शिकत होती.ती पोलिस भरतीची तयारी करीत असल्याने पोलिस लाईन टाकळी येथे सरावासाठी जात होती.सरावादरम्यान ती इतर तरुण मुलांसोबत व्यायाम करीत असे.यावरून

सौरभच्या मनात संशय निर्माण झाला होता.त्याने इतरांशी बोलण्यास मनाई केली होती,पण ती ऐकत नव्हती.अखेर सौरभ रुचिकाला फिरायला घेऊन जाण्याच्या बहाण्याने फेटरी येथील ओयो हॉटेलमध्ये घेऊन गेला.तिथे दोघांमध्ये वाद झाला.या  वादातून सौरभने रुचिताच्या गळ्यावर चाकूने वार केले.गंभीर जखमी झाल्याने तिचा जागीच मृत्यू झाला.खुनानंतर आरोपीने हॉटेलच्या पहिल्या मजल्यावरून उडी मारून घटनास्थळावरून पळ काढला होता.घटनेच्या दिवशी तो पुण्याकडे गेल्याची माहिती मिळाल्याने पथके पुणे व पिंपरी चिंचवड येथे रवाना करण्यात आली होती.त्यानंतर गुरुवार २९ जानेवारी रोजी तो मौदा तालुक्यातील महालगाव येथे असल्याची माहिती पोलिसांना मिळाली. पोलिस महालगावकडे जात असतांनाच आरोपी नागपूरहून दिल्लीकडे जाणाऱ्या तेलंगणा एक्सप्रेसने निघाल्याची माहिती मिळाली.पोलिसांनी तात्काळ भोपाळ रेल्वे पोलिसांशी संपर्क साधून मदत मागितली. अखेर भोपाळ येथे तेलंगणा एक्सप्रेसमध्ये सौरभ जामगडे याला ताब्यात घेण्यात आले.नागपूरला आणल्यानंतर कळमेश्वर पोलिसांच्या स्वाधीन करण्यात आले.त्याला न्यायालयात हजर केले असता न्यायालयाने त्यास ४ फेब्रुवारीपर्यंत पोलिस कोठडी सुनावली आहे.