‘ते’ दोघेही निघाले प्रेमी; नवजात अर्भक ट्रॅव्हल्समधून बाहेर फेकल्याचे प्रकरण..

परभणी :-पुण्याहून परभणीकडे जाणाऱ्या ‘संत प्रयाग’ नामक खासगी ट्रॅव्हल्समध्ये काळीज हेलावणारी घटना दोन दिवसांपूर्वी म्हणजेच मंगळवार १५ जुलै रोजी सकाळच्या सुमारास परभणी जिल्ह्यातील पाथरी ते सेलू मार्गावरील देवनांदरा शिवारात घडली होती.धावत्या ट्रॅव्हल्समध्ये महिलेची प्रसूती झाली आणि नवजात अर्भकास ट्रॅव्हल्समधूनच बाहेर फेकण्यात येत असतांनाच सदरची बाब ही इतर प्रवाशांच्या लक्षात आली आणि याबाबत पाथरी पोलिसांना माहिती दिली होती.पोलिसांनी घटनास्थळावरून नवजात अर्भक ताब्यात घेत तपास केला असता नवजात अर्भक बालक (पुल्लिंग) असल्याचे निष्पन्न झाले होते.घटनेचे गांभीर्य लक्षात घेता पोलिसांनी तात्काळ ट्रॅव्हल्सचा शोध घेत परभणीमध्ये बस थांबवून प्रवाशांची कसून चौकशी केली आणि एका महिलेसह पुरुषाला ताब्यात घेतले होते.तपासाअंती संबंधित महिला व पुरुष हे एकमेकांचे पती-पत्नी असल्याचे सांगत होते.अश्यातच आता ते दोघेही प्रियकर व प्रेयसी असल्याचे पोलीस तपासात निष्पन्न झाले आहे.१९ वर्षीय रितिका ढेरे व २१ वर्षीय अल्ताफ शेख अशी दोघांची नावे असून बाळाचा जन्म होताच घाबरलेल्या अल्ताफनेच बालकास ट्रॅव्हल्सच्या खिडकीतून बाहेर फेकले होते.यात त्याचा मृत्यू झाला होता.सदरची कारवाई पोलिस निरीक्षक महेश लांडगे यांच्या मार्गदर्शनात पोलीस उपनिरीक्षक लोखंडे, थोरे,वाघ,कदम यांच्या पथकाने केली होती.आता पाथरी पोलिसांनी प्रियकर व प्रेयसी विरुद्ध विविध कलमान्वये गुन्हा दाखल केला आहे.