तीन महिला व एक पुरुष नक्षली ठार.!

उद्रेक न्युज वृत्त :-महाराष्ट्र-छत्तीसगड राज्यांच्या सीमेवर असलेल्या बालाघाट जिल्ह्यात मध्य प्रदेश राज्याच्या विशेष दलासह जिल्हा सुरक्षा दल आणि केंद्रीय राखीव पोलिस दलाच्या जवानांनी पंचमदार आणि कटेझिरिया जंगलांत चार नक्षलवाद्यांना कंठस्नान घातले आहे.यात तीन महिला तर पुरुष नक्षलवाद्याचा समावेश आहे.कारवाईत एक ग्रेनेड लाँचर,स्वयंचलित रायफल,दोन पॉइंट ३१५ बोअर रायफल्ससह इतर शस्त्रे जप्त करण्यात आली आहेत. मृत नक्षलवाद्यांची ओळख पटवणे सुरू असून बालाघाट हा जिल्हा नक्षलवाद्यांचा गड मानला जातो.जवान आणि नक्षलवाद्यांमध्ये काल शनिवारी चकमक उडाली.सदरची चकमक ही मध्य प्रदेशातील बालाघाट जिल्ह्याच्या बैहर तालुक्यातील पंचमदार आणि कटेझिरिया जंगल परिसरात घडली.काही नक्षलवादी पंचमदार आणि कटेझिरिया जंगल परिसरात दडून बसल्याची माहिती जवांनांना मिळाली होती.त्यानुसार पथके रवाना करण्यात आली.शोध मोहिमेदरम्यान नक्षलवाद्यांनी जवानांवर अंधाधुंद गोळीबार सुरू केला.यात जवानांनी प्रत्युत्तर देत चार नक्षलींना यमसदनी धाडले.परिसरात शोध मोहीम राबवली असता तीन महिला नक्षली व एक पुरुष नक्षलवाद्याचा खात्मा करण्यात आल्याचे उघड झाले.