अखेर महाराष्ट्र पोलिसांबद्दल वादग्रस्त वक्तव्य करणाऱ्या आमदारावर गुन्हा दाखल..

उद्रेक न्युज वृत्त :-राज्यातील महाराष्ट्र पोलिसांबद्दल शिवसेना शिंदे गटाचे आमदार संजय गायकवाड यांनी  वादग्रस्त विधान केल्याप्रकरणी गुन्हा दाखल करण्यात आला आहे.गायकवाड यांनी म्हटले की,महाराष्ट्र पोलिसांसारखे अकार्यक्षम डिपार्टमेंट जगात कुठेही नाही,पोलिसांनी जर ५० लाख पकडले तर ते ५० हजार दाखवतात,सरकारने जर एखादा कायदा बनवला तर पोलिसांना एक हप्ता वाढून जातो. गुटखाबंदी केली की पोलिसांचा एक हप्ता वाढतो, दारूबंदी केली की पोलिसांचा एक हप्ता वाढतो,जर पोलिसांनी ठरवले की,एक वर्ष मी हरामीपणा करणार नाही,तर सगळे सुतासारखे सुरळीत होईल,असा महाराष्ट्र पोलिसांवर थेट आरोप केला आहे.महाराष्ट्र पोलिसांवर अक्षेपार्ह विधान केल्यानंतर मुख्यमंत्री आणि गृहमंत्री देवेंद्र फडणवीसांनी आमदार संजय गायकवाड यांच्यावर संतापले होते. उपमुख्यमंत्री एकनाथ शिंदेंनी त्यांना कडक शब्दात समज द्यावी,अशी तंबी दिल्यानंतर आमदार संजय गायकवाड विरोधात गुन्हा दाखल करण्यात आला आहे.गुन्हा दाखल झाल्यानंतर बोलताना संजय गायकवाड म्हणाले की,गुन्हा दाखल झाला आहे तर त्याला मी सामोरे जाईल.मी केलेल्या वक्तव्यात महाराष्ट्र पोलिसांचा चुकून उल्लेख झाला.मला ते स्थानिक पोलिसांबद्दल बोलायचे होते.महाराष्ट्र पोलिसांचे धाडस,कर्तृत्व विसरता येणार नाही.ज्या चांगल्या अधिकाऱ्यांना माझ्या वक्तव्याबद्दल मनस्ताप झाला असेल,त्यांची मी दिलगिरी व्यक्त करत आहे. मात्र,काही लोकांमुळे पोलीस बदनाम झाले आहे. महाराष्ट्र पोलिसांबद्दल बोललेले शब्द मी मागे घेत आहे. उपमुख्यमंत्री एकनाथ शिंदे हे शिवसेना पक्षाच्या ‘आभार यात्रे’साठी आज रविवार २७ एप्रिल रोजी बुलढाणा दौऱ्यावर येत आहेत.या दौऱ्याविषयी माहिती देण्यासाठी आमदार गायकवाड यांनी काल शुक्रवारी त्यांच्या संपर्क कार्यालयात घेतलेल्या पत्रकार परिषदेत पोलिस खात्याविषयी अपशब्दाची माहिती दिली.