चोरट्याचा अभिनेता सैफ अली खानवर घरात शिरून जीवघेणा हल्ला..

मुंबई :-एकेकाळी सिनेसृष्टीत प्रख्यात असलेला

बॉलीवूड अभिनेता सैफ अली खान यांचेवर घरात चोरीसाठी शिरलेल्या चोरट्याने चाकू हल्ला केल्याची घटना आज, गुरुवार १६ जानेवारीला उघडकीस आल्याने सिनेसृष्टीत एकच खळबळ उडाली आहे.सदरची घटना ही मध्यरात्री घडली असून सध्या स्थितीत  सैफ अली खानवर मुंबईच्या लीलावती हॉस्पिटलमध्ये उपचार सुरू आहे.

अज्ञात चोट्याने मध्यरात्री अडीच वाजेच्या सुमारास  खिडकीतून घरामध्ये प्रवेश केला.ज्याठिकाणी मुले झोपली होती,त्याच खोलीत चोरटा दिसून आल्याने मुलांनी आरडा ओरड केली.त्यामुळे अभिनेता सैफ अली खान जागा झाला.चोर आणि सैफ अली खान समोरासमोर उभे होऊन टकमक बघू लागले.अशातच चोरीच्या बेताने घरात प्रवेश केलेल्या चोराने अभिनेत्यावर हातात असलेल्या धारदार शस्त्राने वार केले.यात जखमी झालेल्या सैफ ला ताबडतोब मुंबईतील लीलावती रुग्णालयात दाखल करण्यात आले.सैफ जखमी झाल्यामुळे त्याला सावरण्यासाठी घरात धावपळ सुरू झाली,या संधीचा फायदा घेत चोराने घरातून पळ काढला.यामध्ये सैफ बराच जखमी सुद्धा झाला आहे. चोराला शोधण्यासाठी पोलीस कसून तपास करीत आहेत.