नवउद्योजक महिलांकरीता शासनाची स्टँड अप इंडिया योजना..

गडचिरोली :-जिल्ह्यातील धनगर समाजाच्या नवउद्योजक महिलांकरिता केंद्र शासनाच्या स्टँड अप इंडिया या योजने अंतर्गत राज्यातील धनगर समाजातील महिलांकरीता सवलतीस पात्र नवउद्योजक महिला लाभार्थ्यांना एकुण प्रकल्प किंमतीच्या लाभार्थी हिस्सा २५ टक्के मधील जास्तीत जास्त १५ टक्के मर्जिन मनी उपलब्ध करुन देण्यास (Front End Subsidy) इतर मागासवर्ग सामाजिक व शैक्षणिक मागास प्रवर्ग,विमुक्त जाती,भटक्या जमाती,विशेष मागास प्रवर्ग कल्याण विभागाच्या ६ सप्टेंबर २०१९ च्या शासन निर्णयाव्दारे मान्यता देण्यात आली आहे.

सदर योजनेचा शासन निर्णय महाराष्ट्र शासनाच्या https://www.maharashtra.gov.in या संकेत स्थळावर उपलब्ध असून योजनासंबंधाने अधिक माहितीकरिता कार्यालय सहाय्यक संचालक,इतर मागास बहुजन कल्याण गडचिरोली या ठिकाणी संपर्क साधावा; असे आवाहन सहाय्यक संचालक डॉ. सचिन मडावी यांनी केले आहे.