अखेर ऑनलाईन धान खरेदी नोंदणीला मुदतवाढ…

गडचिरोली :-बऱ्याच शेतकऱ्यांची धान खरेदी ऑनलाईन नोंदणी झाली नसल्याने शासनाच्या वतीने शेतकऱ्यांना दिलासा देत अखेर धान खरेदी नोंदणीला मुदतवाढ देण्यात आली आहे.आधारभूत किंमत धान खरेदी योजना खरीप पणन हंगाम २०२४-२५ करिता धान खरेदीसाठी ऑनलाईन शेतकरी नोंदणी करिता १५ डिसेंबर मुदत देण्यात आली होती.या योजनेचा लाभ सर्व शेतकऱ्यांना होण्यासाठी आणि जिल्ह्यातील उर्वरित शेतकऱ्यांची धान खरेदीकरिता ऑनलाइन नोंदणी करण्यासाठी शासनाचे काल शुक्रवार १३ डिसेंबरच्या पत्रानुसार शेतकरी नोंदणीची मुदतवाढ करून ३१ डिसेंबर करण्यात आली आहे.जिल्ह्यातील मंजुरी मिळालेल्या सर्व धान खरेदी केंद्रांनी ३१ डिसेंबर अखेर ऑनलाइन शेतकरी नोंदणीचे कामकाज पूर्ण करण्याचे आवाहन गडचिरोली जिल्हाधिकारी संजय दैने यांनी केले आहे.