सात वर्षीय चिमुकलीवर अत्याचार करणाऱ्या ३५ वर्षीय तरुणास १५ वर्षाचा सश्रम कारावास…

गोंदिया :-सात वर्षीय चिमुकलीवर अत्याचार करणाऱ्या तरूणाला प्रमुख जिल्हा व विशेष सत्र न्यायालयाने आज,शुक्रवारी ३० ऑगस्टला दिलेल्या निकालात १५ वर्ष सश्रम कारावास व ९ हजार रुपये दंडाची शिक्षा ठोठावली आहे.नरेश भैय्यालाल जावळकर वय ३५ वर्षे रा.गोंदिया असे शिक्षा ठोठावण्यात आलेल्या आरोपीचे नाव आहे.

मागील ६ वर्षापूर्वी २८ ऑगस्ट २०१८ रोजी दुपारी १२ ते १ च्या सुमारास पिडीत चिमुरडी आरोपी नरेश जावळकर याच्या घरी फुल तोडण्यासाठी गेली होती. यावेळी आरोपीने घरात कोणीच नसल्याचे पाहून चिमुरडीवर लैंगिक अत्याचार केला.दरम्यान, सायंकाळी या चिमुरडीने आपल्या आईला घडलेल्या घटनेबाबत सविस्तर सांगितले.यावरून पिडितेच्या आईने २९ ऑगस्ट २०१८ रोजी आरोपीच्या विरोधात गंगाझरी पोलीस ठाण्यात तक्रार दाखल केली. फिर्यादीच्या तक्रारीवरून तत्कालीन उपविभागीय पोलीस अधिकारी नितीन विनायक यादव यांनी सविस्तर तपास करून आरोपीविरूद्ध विशेष न्यायालयात दोषारोप पत्र सादर केले होते.या प्रकरणात आरोपीविरूद्ध दोष सिद्ध करण्यासाठी सरकार पक्षातर्फे अतिरिक्त सरकारी वकील कृष्णा डी. पारधी यांनी ७ साक्षदारांची साक्ष व इतर कागदोपत्री दस्तऐवज न्यायालयासामोर सादर केले.