‘श्युअर टेक हॉस्पिटल नागपूर’ ला महाराष्ट्र ओबीसी काँग्रेस प्रदेश सरचिटणीस मनोज ढोरे यांनी दिली सदिच्छा भेट… – हॉस्पिटलमध्ये शासकीय योजनेमधून केला जातो मोफत ऑपरेशन व औषधोपचार…

गडचिरोली :-काँग्रेसचे महाराष्ट्र ओबीसी प्रदेश सरचिटणीस मनोज ढोरे यांनी काल,१० सप्टेंबर रोजी नागपूरच्या जामठा येथील ‘श्युअर टेक हॉस्पिटल’ ला सदिच्छा भेट देत हॉस्पिटल मधील रुग्णांसाठी उपलब्ध असलेल्या सोयी-सुविधा तसेच स्टाफ बद्दलची संपूर्ण माहिती जाणून घेतली.

सामाजिक कार्यात नेहमी तत्पर असणारे ढोरे यांनी यापूर्वी आरोग्य शिबिरे आयोजित करून,आरोग्य शिबिरात पुढील उपचाराकरिता देसाईगंज तालुक्यातील व इतर परिसरातील जवळपास ११ रुग्णांना नागपूरच्या जामठा येथील ‘श्युअर टेक हॉस्पिटल’ येथे स्वखर्चाने भरती करून मोफत रुग्ण सेवेचा लाभ देण्यात मोलाची भूमिका बजावली आहे.मोफत आरोग्य शिबीरे, युवकांसाठी स्पर्धा परीक्षा मार्गदर्शनपर शिबिरे,बेरोजगार मेळावे व इतर अशी अनेक सामाजिक लोकोपयोगी उपक्रमे राबविण्यात ढोरे हे अष्टपैलू, क्रियाशील व्यक्तिमत्त्वाचे धनी आहेत.त्यांचे कार्य इतरांसाठी प्रेरणादायी असून काल,१० सप्टेंबरला त्यांनी ‘श्युअर टेक हॉस्पिटल नागपूर’ ला भेट देऊन रुग्णांसाठी कश्या प्रकारे सोयी-सुविधा उपलब्ध आहेत; डॉक्टर तसेच स्टाफ रुग्णांची योग्यप्रकारे उपचार करून घेतात की नाहीत; या बद्दलची संपूर्ण माहिती जाणून घेतली.माहिती जाणून घेतांना ‘श्युअर टेक हॉस्पिटल’ बद्दल ढोरे यांनी सांगितले की,हॉस्पिटलची सुसज्ज अशी इमारत असून रुग्णांकरीता सर्व सोयी-सुविधायुक्त असे ऑपरेशन रूम,विविध उपकरणे,मोफत औषधे,तज्ञ डॉक्टरांची टीम,आरोग्य कर्मचाऱ्यांचे स्टाफ,स्वच्छ-सुंदर असे परिसर असून एखादा रुग्ण एकदा रुग्णालयात दाखल झाला की,अर्धे आजार आपोआपच बरे होऊन जातात.या हॉस्पिटलचे एक वैशिष्ट्य म्हणजे शासनाच्या शासकीय योजनेमधून हजारो रुपयांच्या वर मोफत औषधोपचार व ऑपरेशन केले जात असून,जास्तीत-जास्त रुग्णांनी रुग्ण सेवेचा लाभ घेण्याचे आवाहन काँग्रेसचे महाराष्ट्र ओबीसी प्रदेश सरचिटणीस मनोज ढोरे यांनी केले आहे.

याप्रसंगी श्युअर टेक हॉस्पिटलचे फायनान्स डायरेक्टर अभिजीत देशमुख,हॉस्पिटल इन्चार्ज डॉ.उर्मिला ढाणके, डॉ.रामविलास मलानी व मोहन लोहंबरे उपस्थित होते.

१) महाराष्ट्र ओबीसी काँग्रेस प्रदेश सरचिटणीस मनोज ढोरे -८७८८४८३५०६(8788483506)

२) सामाजिक कार्यकर्ते मोहन लोहंबरे – ८२०८९७४८१२(8208974812)