शिक्षकाचे विद्यार्थ्यांसोबत अभद्र व्यवहार; शिक्षकाला अटक..

नागपूर :-दोन अल्पवयीन मुली आणि ११ मुलांसोबत अभद्र व्यवहार करून छेडखानी करणाऱ्या नागपूरच्या सदर येथील एसएफएस स्कूलमधील शिक्षकाला सदर पोलिसांनी शाळेच्या प्राचार्यांनी दिलेल्या तक्रारीवरून अटक केली आहे.संकल्प वीरेंद्र मेढा वय ४७ वर्षे,रा.मेढा भवन,सेंट्रल एवेन्यू,असे अटक करण्यात आलेल्या शिक्षकाचे नाव आहे.मेढा याने २०१७ मध्ये एसएफएस स्कूलमध्ये शिक्षकाची नोकरी सुरू केली.तो इंग्रजी आणि इतिहास विषय शिकवितो.सोबतच आपल्या घरी दहावीच्या विद्यार्थ्यांना मार्गदर्शन करतो.

मेढा याच्या विरुद्ध एसएफएस स्कूलमधील दोन अल्पवयीन मुली आणि ११ विद्यार्थ्यांनी अभद्र बोलण्यासह,पाण्याच्या बॉटल डस्टर फेकून मारणे, पालकांबाबत विद्यार्थ्यांना आपत्तीजनक बोलणे आणि त्यांच्याशी हा शिक्षक अभद्र व्यवहार करीत असल्याची तक्रार दिली होती.

त्यानंतर २४ ऑगस्टला शाळेच्या प्राचार्यांनी तीन शिक्षकांची समिती नेमली.या समितीने शाळेतील विद्यार्थ्यांचे बयाण नोंदवून ३० ऑगस्टला याबाबत प्राचार्यांना अहवाल सादर केला.त्यावर प्राचार्यांनी मेढा याला सात दिवसात उत्तर सादर करण्यास सांगितले.

मेढा याने शिक्षकदिनी ५  सप्टेंबरला आपले उत्तर प्राचार्याकडे सादर केले.त्यानंतर एसएफएस स्कूलच्या प्राचार्यानी सोमवारी ९ सप्टेंबरला मेढा याच्या विरुद्ध सदर पोलिस ठाण्यात तक्रार दिली.