उद्रेक न्युज वृत्त
गडचिरोली :- आपण नेहमीच म्हणतो व ऎकत असतो की,दोन नंबरचे काम दारू विक्री,सट्टा पट्टी,कोंबडे बाजार,तंबाखू विक्री व इतर विविध प्रकाचे अवैध धंदेच आहेत.मात्र या सर्वांच्याही वरचढ असलेले दोन नंबरचे काम ते म्हणजे शासकीय यंत्रणेतील काम आहे.अशातच ‘शासकीय काम; दोन नंबरचे भरपूर मिळतो दाम’ असे सर्वच शासकीय यंत्रणेतील प्रकार सर्वत्र दिसून येत आहे.सध्या स्थितीत साहित्य खरेदी एकीकडून केली जाते तर बिले दुसरीकडून जोडली जात असून सर्वांचे खिसे गरम होण्यास थोडे दिवस थांब होत असल्यानेच शासकीय यंत्रणा चुप्पी साधण्याचा प्रयत्न करीत आहेत.
शासकीय यंत्रणेतील कामांमध्ये एक लाख रुपये कामाचे अंदाज पत्रक,तीन लाख रुपयाचे तयार केले जात असल्याने याचे नवल वाटते आहे.कमी लोहा वापरणे,कमी सिमेंट वापरणे,कमी गिट्टी वापरणे,कमी रेती वापरणे व पाच मजूर कामांवर असतांना दहा मजूर कामावर दाखवून अवाढव्य रक्कम उचल करणे,अशी अवस्था सर्वत्र दिसून येत आहे.यामध्ये सर्वांची टक्केवारी नियोजित ठरलेली असते.एका कामावर लाखो रुपये छापण्याचे काम सुरू आहे.
यामुळेच काम ‘झकास न होता भकास’ होतांना दिसून येते.कामावर न जाणाऱ्यांना मिस्त्री व मजूर म्हणून दाखविल्या जाते व उघडकीस येणारे प्रकरण जिल्हा परिषदे पासून तर पंचायत विभागपर्यंत दडपण आणून दाबल्या जाते; ही शोकांतिका आहे.एखादा ‘माजी बनतो व भाजी खातो’ तसाच प्रकार घडत असून ज्याला बांधकामविषयी कुठल्याही प्रकारचा अनुभव नसतांना एखादा तर सोडा तीन-तीन काम देत असतील तर यामध्ये काहीतरी झानगडगुत्ताच दिसून येतो आहे.
सर्वजण सर्वसामान्य जनतेला भुरळ घालत असून शासकीय बांधकाम करणारे किती जण परवाना धारक आहेत? शासकीय यंत्रणेत विना बांधकाम परवान्यांचे काम करतांना हल्ली दिसून येत आहेत.यांच्यावर निर्बंध कोण घालणार?फक्त टक्केवारी मिळाली व खिसे गरम झाले की ‘अपणा काम बनता; कही भी जाये जनता’ असे होत आहे.सर्वजण गाढ झोपेत गेले की काय?असे काम करणाऱ्यांविरोधात जोपर्यंत ठोस पावले उचलली जाणार नाही.तोपर्यंत असेच चित्र सर्वत्र दिसून येणार असल्याने अशांवर आळा घालणे गरजेचे आहे.
