रस्त्यात गाठून प्रेमाची कबुली दिल्याने लैंगिक छळ केला,असे सिद्ध होत नाही- उच्च न्यायालय -अल्पवयीन मुलीला ‘आय लव्ह यू’ म्हणणाऱ्या तरुणाची निर्दोष सुटका..

उद्रेक न्युज वृत्त :-एका तरुणाने १४ ऑक्टोंबर २०१९ रोजी नवव्या वर्गात शिकत असलेल्या विद्यार्थिनीला शाळेची सुट्टी झाल्यानंतर घरी जात असतांना रस्त्यात गाठले व ‘आय लव्ह यू’ म्हणत आपले प्रेम प्रकट केले.तत्पूर्वी सदरच्या तरुणाने असेच कृत्य केल्याने विद्यार्थिनीने याबाबत शाळेतील शिक्षकांकडे तक्रार केली होती.प्रकरणी शिक्षकांनी तरुणास समज दिली.तरुण ऐकण्याच्या मनःस्थितीत नसल्याने परिणामी पोलिसांत तरुणावर गुन्हा दाखल करण्यात आला व प्रकरण न्यायालयात पोहचले. त्यानुसार छत्तीसगडच्या जिल्हा सत्र न्यायालयाने निकाल देत तरुणाची निर्दोष मुक्तता केली होती.नंतर प्रकरण छत्तीसगडच्या उच्च न्यायालयात गेले. छत्तीसगड उच्च न्यायालयाने कनिष्ठ न्यायालयाचा निर्णय कायम ठेवत रस्त्यात गाठून प्रेमाची कबुली दिल्याने लैंगिक छळ केला,असे सिद्ध होत नाही. आरोपीने लैंगिक हेतूने काही गैरकृत्य केले असेल तर त्याच्यावर पोक्सो कायद्यातील लैंगिक छळविषयक कलम लागू होईल. ‘आय लव्ह यू’ हे वाक्य लैंगिक कारण ठरत नाही.आरोपीने अल्पवयीन विद्यार्थिनीशी अश्लील भाषेत संवाद साधला नाही,अश्लील चाळे, हातवारे केले नाहीत.हे या प्रकरणातील साक्षींवरूनही सिद्ध झाले आहे.त्यामुळे आरोपीने या विद्यार्थिनीचा लैंगिक छळ केला या आरोपात काहीही तथ्य नाही. विद्यार्थिनीची जात काय आहे,याबद्दल या तरुणाला काहीही माहिती नव्हती.त्यामुळे एससी,एसटी अत्याचार प्रतिबंधक कायदाही या प्रकरणात लागू होत नाही.त्यामुळे त्याला दोषी ठरविता येणार नाही,असे म्हणत छत्तीसगड उच्च न्यायालयाचे न्यायमूर्ती संजय अग्रवाल यांनी प्रकरणातील आरोपीची निर्दोष सुटका केली.