उद्रेक न्युज वृत्त
गडचिरोली :- महिलेचा विनयभंग करणाऱ्या आरोपीला चामोर्शी येथील प्रथम श्रेणी न्यायालयाचे न्यायदंडाधिकारी एन. डी.मेश्राम यांनी आज एक वर्ष सश्रम कारावासाची शिक्षा ठोठावली.नितीन अर्जुन कन्नाके वय २८ वर्षे रा. चौडमपल्ली ता.चामोर्शी असे शिक्षा ठोठावलेल्या आरोपीचे नाव आहे.
नितीन कन्नाके हा गावातील एक महिला शौचास बाहेर जंगलामध्ये गेली असता,तिच्या मागेमागे जाऊन तिचा विनयभंग केला.पीडितेने घडलेली घटना तिच्या घरातील लोकांना सांगितली.घटनेची फिर्याद पोलिस स्टेशन आष्टी येथे देण्यात आली.महिला पोलिस निरीक्षक समू चौधरी यांनी गुन्ह्याचा तपास करून दोषारोपपत्र चामोर्शी न्यायालयात दाखल केले. सदर मामल्यात साक्षीदारांचे पुरावे नोंदवून दोन्ही पक्षांचा युक्तिवाद ग्राह्य धरून प्रथम श्रेणी न्यायदंडाधिकारी एन.डी.मेश्राम यांनी आरोप नितीन कन्नाके यास कलम ३५४,३५४ (अ) भादंवि अन्वये गुन्हा केल्याचे सिद्ध झाल्याने एक वर्षाचा सश्रम कारावासाची शिक्षा सुनावली.सरकारी पक्षातर्फे विशेष साहाय्यक सरकारी अभियोक्ता ॲड.डी.व्ही. दोनाडकर यांनी काम पाहिले.
