गोंदिया :-जिकडे बघावे तिकडे पैश्याशिवाय कामच होत नाही.भ्रष्टाचाराने सर्वत्र कळस घातलेले दिसून येतो.अश्याच प्रकारे चक्क गटशिक्षणाधिकाऱ्यांनी शाळा तपासणीचे नाव करून शाळेचा योग्य अहवाल देणार असल्याची बतावणी करून त्या बदल्यात २५ हजार रुपयांची मागणी केली.चर्चेअंती २० हजार रुपये ठरले.मात्र,५ हजार रुपयांचे पाकीट हातात येताच,नाराज झालेल्या गटशिक्षणाधिकाऱ्यांनी पाकीट फेकून दिल्याचा व्हिडिओ सोशल मीडियावर प्रचंड व्हायरल झाला आहे.प्रकरणी राज्याचे शालेय शिक्षण मंत्री दादाजी भुसे जिल्हा दौऱ्यावर असतांना प्रसार माध्यमांनी याबाबत प्रश्न उपस्थित केले असता,त्यावर प्रतिक्रिया देत व्हिडिओतील सत्यता पडताळून कारवाई केली जाईल,असे स्पष्ट केले.याबाबत अधिक माहिती अशी की,गोंदिया जिल्ह्याच्या अर्जुनी मोरगाव तालुक्यातील केवळराम विद्यालय परसटोला येथील शाळेच्या तपासणीसाठी गेलेल्या गटशिक्षणाधिकारी यांनी शाळा तपासणी करून सकारात्मक अहवालाच्या बदल्यात २५ हजार रुपयांची मागणी केली.तडजोडी अंती २० हजार रुपये देण्याचे ठरले होते.अश्यातच पहिला पाकीट ५ हजार रुपयांचा देण्यात आला.त्यावर गटशिक्षणाधिकाऱ्यांनी नाराजी व्यक्त करत पाकीट फेकून दिला.प्रकरणी व्हिडिओ तयार करून व्हायरल झाल्याने प्रकरणास वाचा फुटली.
- राजू मेश्राम,संस्था प्रतिनिधी,केवळराम विद्यालय परसटोला👇
गटशिक्षणाधिकारी यांनी तपासणीसाठी सुरुवातीला २५ हजार रुपयांची मागणी केली होती.चर्चेनंतर ही रक्कम २० हजारांवर आली.त्यानंतर ५ हजार रुपये त्यांना देण्यात आले.मात्र उर्वरित रक्कम दिली नाही म्हणून गटशिक्षणाधिकारी यांनी पैशांचे पाकीट खाली आपटले.मला आलेल्या समितीसाठी शिक्षणाधिकाऱ्यांना पैसे द्यावयाचे आहेत,असे सांगितले.पूर्ण पैसे घेवून याल तेव्हाच फाईलवर स्वाक्षरी होईल,असे गटशिक्षणाधिकारी मला म्हणाले.
