पीएम किसान योजनेच्या शेतकऱ्यांसाठी आनंदाची बातमी..!

उद्रेक न्युज वृत्त :-पीएम किसान योजनेचा लाभ घेणाऱ्या शेतकऱ्यांसाठी आनंदाची बातमी असून येत्या, बुधवार १९ नोव्हेंबर २०२५ रोजी पंतप्रधान नरेंद्र मोदी पीएम किसान योजनेचा २१ वा हप्ता पात्र शेतकऱ्यांच्या बँक खात्यात जमा करणार आहेत.यामुळे शेतकऱ्यांना काही प्रमाणात कां होईना आर्थिक लाभ मिळणार आहे. पंतप्रधान किसान  सन्मान निधी योजनेंतर्गत आतापर्यंत पात्र शेतकरी लाभार्थींच्या खात्यात प्रत्येकी दोन हजार रुपये प्रमाणे २० हप्त्यांची रक्कम जमा करण्यात आली आहे.योजनेचा २० वा हप्ता शनिवार,२ ऑगस्ट २०२५ रोजी वितरित करण्यात आला होता.त्यानंतर,२१ वा हप्ता दिवाळी सणात होण्याची शक्यता वर्तविण्यात आली होती.मात्र,त्याही कालावधीत झालेला नाही.अश्यातच आता बिहार विधानसभा निवडणुकीत भाजपने जोरदार मुसंडी मारत विजयी पताका फडकवला.याच निमित्ताने केंद्र सरकार शेतकऱ्यांना आनंदोत्सवाची भेट देणार असल्याचे दिसून येते.