परदेशात ५ हजार नोकरीच्या संधी.. – “होम बेस्ड हेल्थ केअर गिव्हर वर्कर्स” पदासाठी इच्छूक उमेदवारांनी अर्ज सादर करण्याचे आवाहन..

गडचिरोली :-भारत सरकार व इस्रायल सरकार यांच्यात विशिष्ट कामगार क्षेत्रांमध्ये तात्पुरत्या रोजगारासाठी फ्रेमवर्क करार झाला असून त्याअंतर्गत दोन अंमलबजावणी प्रोटोकॉल्सवर स्वाक्षऱ्या झाल्या आहेत. यापैकी प्रोटोकॉल- B हा काळजीवाहक क्षेत्राशी संबंधित आहे.इस्रायल सरकारने भारताकडून ५ हजार घरगुती काळजीवाहकांची(होम बेस्ड हेल्थ केअर गिव्हर वर्कर्स)मागणी व्यक्त केली आहे.या मागणीची तातडीने पूर्तता करण्यासाठी कौशल्य विकास व उद्योजकता मंत्रालय(MSDE) कार्यरत आहे.राज्ये व केंद्रशासित प्रदेशांना त्यांच्या कार्यक्षेत्रातून योग्य उमेदवारांची जागृती व प्राथमिक छाननी(mobilization and pre-screening)करून मंत्रालयाला सहकार्य करण्याचे आवाहन करण्यात आले आहे.इस्राईल देशात “होम बेस्ड हेल्थ केअर गिव्हर वर्कर्स” या पदासाठी ५ हजार नोकरीच्या संधी उपलब्ध आहेत.सदर पदाचे कार्य विवरण,वयोमर्यादा,शैक्षणिक पात्रता,पदभरती अर्ज इत्यादी माहिती https://maharashtrainternational.com या वेबसाईटवर उपलब्ध आहे.इच्छूक उमेदवारांनी सदर लिंकवर जावून आपला अर्ज सादर करावा.अधिक माहितीकरिता त्या-त्या जिल्ह्यातील जिल्हा कौशल्य विकास रोजगार व उद्योजकता मार्गदर्शन केंद्र या ठिकाणी संपर्क साधावा.तर गडचिरोली जिल्ह्यातील इच्छूक उमेदवारांनी कौशल्य विकास रोजगार व उद्योजकता मार्गदर्शन केंद्र कॉप्लेक्स एरिया पोलीस मुख्यालयासमोर गडचिरोली येथील कार्यालयाशी संपर्क साधावा,असे जिल्हा कौशल्य विकास रोजगार व उद्योजकता मार्गदर्शन केंद्राचे सहाय्यक आयुक्त योगेंद्र शेंडे यांनी कळविले आहे.