दहावी बोर्डाच्या परीक्षेचे हॉलतिकीट येत्या २० जानेवारीपासून… – यंदाच्या हॉल तिकिटात विद्यार्थ्यांच्या जातीच्या प्रवर्गाचा असणार उल्लेख…

उद्रेक न्युज वृत्त :-यंदाच्या फेब्रुवारी-मार्च २०२५ बोर्डाच्या परीक्षेच्या हॉलतिकीटामध्ये विद्यार्थ्याचे नाव, आईचे नाव,जन्म तारीख,जातीचा प्रवर्ग इ.दुरुस्त्या ऑनलाइन पद्धतीने नोंद करता येणार असून,हॉल तिकिटाचे शुल्कदेखील ऑनलाइन पद्धतीने भरता येणार आहे.विशेष म्हणजे,यंदाच्या हॉल तिकिटात विद्यार्थ्यांच्या जातीच्या प्रवर्गाचा उल्लेख असणार आहे.दहावी बोर्डाच्या परीक्षेचे हॉलतिकीट येत्या सोमवार २० जानेवारी पासून ऑनलाईन उपलब्ध होणार आहेत.शाळांनी प्रवेशपत्र मुद्रित करून विद्यार्थ्यांना उपलब्ध करून देण्याच्या सूचना देण्यात आल्या असून,त्यासाठी कोणतेही वेगळे शुल्क आकारू नये; असे राज्य मंडळाचे सचिव देविदास कुलाळ यांनी स्पष्ट केले आहे.