‘थांबा मी तुम्हाला कसे मरतात हे दाखवून देतो’ असे म्हणीत स्वतःच्या गळ्यावर चाकूने केला वार…

नागपूर :-एका मद्यपी इसमाने पुष्पा चित्रपटातील डायलॉग उच्चारून  ‘पुष्पा झुकेगा नही साला’, असे

म्हणत स्वतःच्या गळ्यावर चाकूने वार केले.यात तो गंभीर जखमी झाला.रुग्णालयात दाखल केले असता

उपचारादरम्यान त्याचा मृत्यू झाल्याची घटना अजनी पोलीस  ठाण्याच्या हद्दीत दोन दिवसांपूर्वी रात्री १०:३० वाजताच्या सुमारास घडली.कैलास रामचंद्र फुंडे वय ४६ वर्षे,रा.भगवाननगर,बॅनर्जी ले-आउट, अजनी असे आत्महत्या केलेल्या व्यक्तीचे नाव आहे.

कैलास फुंडे हे टाइल्स लावण्याचे काम करीत होते. पत्नी आणि दोन मुलींसोबत राहायचे.पत्नी नर्सिंगचे काम करते तर मोठी मुलगी दहावीला व लहान १३ वर्षांची आहे.कैलास हा आईवडिलांसोबत संपत्तीवरून भांडायचा.घटनेच्या वेळी कैलास दारू घेऊन घरी आला.तसेच दारू प्राशन करून ‘पुष्पा झुकेगा नहीं साला,थांबा मी तुम्हाला कसे मरतात हे दाखवून देतो’ असे म्हणून त्याने गॅसच्या ओट्याजवळील चाकूने स्वतःच्या गळ्यावर वार करून स्वतःला जखमी करून घेतले.मुलींनी नातेवाइकांच्या मदतीने उपचारासाठी मेडिकलमध्ये दाखल केले.परंतु तेथे डॉक्टरांनी तपासून त्याला मृत घोषित केले. याप्रकरणी सविता कैलास फुंडे वय ४० वर्षे यांनी दिलेल्या सूचनेवरून अंजनीचे ठाणेदार नितीनचंद्र राजकुमार यांच्या मार्गदर्शनाखाली सहाय्यक पोलिस निरीक्षक आलुरे यांनी अकस्मात मृत्यूची नोंद करून तपास सुरू केला.